Den schat der armen oft een medecijn-boecxken

Keele sweeringhe ghenesen.

HOolwortel in water ghesoden, ende twee lepelkens azijn by ghedaen, daer mede ghegorgelt, gheneest die sweeringhe des keels.

Ionghe scheutkens van braem inde mont dickwils gheknaut is goet voor sweeringe des keels.

Diamorum ghemenght met Weechbree water daer mede gegorgelt, geneest sweering des keels.