Doofheyt ghenesen.
DIe Doctoors segghen, dat Cardo benedictus in spijse oft in drancke inghenomen, is seer goet tegens de doofheyt.
Coolsappe met wijn vermengt ende lau inde ooren ghedaen, helpt teghens doofheyt.
Mostaert zaet met Vijghen cleyn ghestooten, ende ghelijck een plaester op d'ooren gheleyt, gheneest doofheydt.
Camille Olye werm gemaeckt doet drye dropkens in d'oore, neemt dan schaepswolle geschoren onder die beenen ende wrijft met die voorsz. inde slapen van 'thooft, ende achter in den necke, ende neemt een werm seruet ende bindet om 'thoofdt, ghy sult met Godts gratie goede baet vinden.
Olye van bitter Amandelen met boom wolle in de ooren ghesteken, is den ghemeenen raet voor doofheyt.
Roosemareyn dickwils op boter en broot ghegheten, is goet voor doofheyt.
Eenen witten palinck ghebraden, ende tsmout aen wolle ghedaen ende inde oore ghesteken, die houtmen goet voor doofheyt.
Auteursrechtvrij