Den schat der armen oft een medecijn-boecxken

Heete Coortsen ghenesen.

DIe Blommisten seggen, dat Violetten in water gesoden, met een stucxken soet hout, ende een handtvol ghepelde Rosijnen, desen dranck is goet voor heete coortsen ghedroncken.

Porceleyn met Oly en Eeck ghegheten, is goet voor heete Coortsen.

Roode Aelbesien of Crakebesien ghegeten, verdrijuen vierighe coortsen.

Suerachtighe Appelen ghekoockt, sijn goeg gegheten voor heete coortsen.

[p. 62]

'Tsap van Limoenen, of Granaten, ofte Orangie appelen, is goet ghebesicht in heete Coortsen.

Waye met Surick ghesoden ende gedroncken, is goet voor heete Coortsen, want het reynicht het bloet ende vercoelt seer.