Colicompas ghenesen.
NEemt die galle van eenen Snoeck, swellichtse heel deur met een lepelken Biers, het geneest.
Anijs, Venckel, Comijn, Peterceli-saet, Caneel, Naghelen, cleyn ghestooten en met wijn inghedroncken, het gheneest Colicompas.
Daucus saet ghepulveriseert, met botermelck ghesoden, ende heet gedroncken, geneest Colicompas.
Camille-bloemen in wijn gesoden ende gedroncken, gheneest Colicompas.
Anijs-saet met Camillen ende Sout, t'samen in een nieuwe Panne heet ghemaeckt, ende op die zeere plaetse gheleyt tusschen twee doecxkens, versaecht de pijn, comende van verholen winden.
Radijs ghegheten, doet wel winden breken.
Smeert die plaets daer die pijn is met versche Boter, het gheneest 't Colicompas.
Auteursrechtvrij