Vande vier Elementen ende humeuren.
OOck salmen letten wat humeur den crancken hinderlijck zijn, te weten, van coude, hitten, droochte, en vochte, want als dees niet getempert en zijn inde menschen, soo brenghense sieckte aen:
Dat cout is, dat is dick, grof, ende maeckt verstijvinghe.
Dat van hitten comt verdroocht en teert wt.
Winden maken ghespannen pijn.
Fluymen maken traecheyt, treurich ende slaperich, ende maken bleeckheyt.
Te veel bloets maeckt rootheyt, ende ghespannen pijne.
Walginghe van spijse beteeckent een slappe maghe.
Bloedige waterachtige camerganc, beteeckent onghesteltenisse des levers.
Swaer azemen, roode wanghen, schuymich wtspouwen, beteeckent dat die longhen onstelt zijn.
Pijne inden buycke comt van wormen, winden, of vercoutheyt.
Pijne inde lendens of blase, comt ghemeenlijck van 't graveel, ofte steene, of vercoutheyt.
Auteursrechtvrij