Den schat der armen oft een medecijn-boecxken

Vanden Ooghen.

DIe gesteltenisse des lichaems verschijnen hen meest inde ooghen, want soo als die oogen gestelt sijn, soo is ghemeenlijck die ghesteltenisse des gheheele lichaems ende des herten.

[p. 31]

Als die ooghen root zijn beteeckent groote hitten.

Als 't wit vande ooghen geel gheworden is, beteeckent die gheelsuchte.

Als die ooghen wijt wt staen puylen beteeckent wormen.

Als die ooghen diep in vallen, beteeckent groote cranckheyt.

Als die ooghen cranc int hooft staen, beteeckent groote pijn.