Den schat der armen oft een medecijn-boecxken

Vande Vrinen te kennen.

BY des menschen Vrinen, worden veelderley sieckten ende cranckheden bekent.

[p. 29]

Vrine die vlammich is beteeckent die coortse.

Vrine die root en dick is, beteeckent hitten ende volheyt van bloede.

Vrine die root en dun is, beteeckent dat die mensche heet en drooch is.

Vrine die wit en dick is als melck, beteeckent dat die mensche cout ende vochtich is, ende in hem sondicht veel waterich bloet, ende heeft een vercoude maghe.

Vrine die wit en dun is, beteeckent dat die mensche cout ende drooch is.

Vrine die seer geel is, beteeckent die geelsuchte.

Vrine die gout geel is en bleeckachtich, beteeckent goede ghesteltenisse.

Vrine die swert is pleech wel die doot te beteeckenen.

Item urine salmen smorghens besien, en moet na middernacht ghemaeckt sijn.