Den schat der armen oft een medecijn-boecxken

[p. 3]

Tot den Leser.

DEn Schat der Armen wort hier open gedaen
Die langen tildt heeft gesloten ghestaen,
VVant hier vvorden ontdect veel secreten,
Die vvaerdigh zijn om te vveten,
Eerst hoemen de ghesondtheydt sal onderhouden best,
Oft verloren hebbende men sal wederom krijgen in't lest.
Die Anatomie vvordt hier oock beschreven
Hoe een mensche ghestelt is naer't leven,
Met de namen der sieckten ende oorsake van dien,
Ende hoemen de sieckten sal kennen en 'tvvater besien,
Die crachten der Cruyden met heur namen,
Aptekers Medicamenten daer by te samen,
Dienende voor jonghe Barbiers en Herbaristen
Dat sy't moghen leeren, oft sy't niet en vvisten:
Hoemen oock de siecke menschen sal visiteren
En helpen met der daedt, maghmen hier leeren,
Natuerlijcke vvetenschap suldy lesen,
VVant die sieck is, vvaer garen ghenesen,
En die ghesondt is soude garen soo langhe blijven:
Dus soude ick gherne een ieghelijck gherijven.
Dit is dan een Fondament om verder te raken:
Die de kerne vvilt eten, moet de note craken.
In't leste salmen hier leeren van Godt vervverven
Een eerlijck leven en daer naer een saligh sterven.