Oeuvres complètes. Tome XXII. Supplément à la correspondance. Varia. Biographie. Catalogue de vente

[p. 40]

XIV.
H. Bruno à Const. Huygens.
1642.

Leiden, collection Huygens. Résumée pɐr Worp (No. 3115).

Magnifico Domino meo S.P.D.

Quae ars tua supra judicium meum judiciosè supra meritum amanter praecepit mihi, ea auribus ea animo accepi Magnifice Domine. Supererat ut ἀϰριβεστάτῃ incomparabilique diligentiae imperandi tuae nostram omnia singulaque exequendi compararemus promtitudinem assiduitatem, curam illam denique quam de duobus viris tuis promittere, de Doctore, cui placet absoluisse trigam, sperare possum, de me praestare si non possum, certè, ut debeo, conabor; Sed nascitur jam mihi quidam quasi scrupulus quem non ante concepi. nimirum nisi vel alternis alia agamus atque alia, vel stent nobis Amphitruonij dies¹⁾, et currum non agat Sol, video quatuor horis tot tam diversa ἀποτελεσϑῆναι ἀδύνατον fore. Ecce Logica, perillustris domine, ecce historia, en Novum Testamentum, en Horatius Claudianusque: hae majorum spartae me ephorum quatuor horas, puto, postulant. Rursus, ecce qui famam et exilium simul ingenio suo debuit miserè ingeniosus ingeniosissimè miser, Naso; ecce prosodiae, ecce troporum ac schematum doctrina, ecce stijli exercitium, sive thema, ut vocant umbratici doctores, ecce historicus denique aliquis, puta Sleidanus de IV imperijs²⁾ aut Florus, quem doctor audiat solus (τίγαρ Σαλλυστίῳ ϰαὶ αὐτῷ;) quatuor haec horas, meque dimidium et totum ut vides, domine, postulant. et jam Rheidani versionem³⁾ cui horas Mercu-

1) Bruno donne apparemment le nom d'‘Amphitruonius dies’ à une journée de deux jours: le héros Amphitryon, rentrant dans sa demeure, dut constater qu'il avait été devancé par Zeus, lequel était entré le jour précédent sous la figure d'Amphitryon lui-même; ce qui eut pour effet la naissance d'Héraclès, fils non pas d'Amphitryon mais de Zeus.

2) Voyez sur J. Sleidanus (de son vrai nom J. Philipson) et son ouvrage de IV imperiis les p. 537 et 549 du T.I.

3) Voyez sur E. van Reyd ou Reidanus et son ouvrage historique néerlandais que les jeunes Huygens étaient tenus de traduire en latin, la p. 551 du T.I.

[p. 41]

riales Saturniasque dari satis arbitror in tanta tempusculi, ut ita loquar, circumcisione, ἔργοις majorum ἐϕμέροις eximo. Perincommodè objiciunt se horum studijs studia domini tertij, qui saepe, dum quaerit aliquid aut quaeritur, imperat his cessationem tantisper, imperat silentium apud hos mihi, et vocem quâ sibi fiat satis. aliter haec sacra constare non possunt. neque enim doctor sanè sibi relinquendus aut negligendus est. Narro tamen tibi, Domine, aliquanto plus profecturos Constantissimos Christianissimosque fratrum, absque doctissimo et domino et doctore, forent. miseretque me praecipuè tui mei Constantissimi, cujus generosus ardor impetusque heroïci, passu impare sequentibus duobus, et tamen expectandis, non semel sufflaminantur. Sed, ut repetam sermonem a quo diverti, intelligis ergo, Domine, consilium rursus tuum ac placitum ad horas nostras advocari. quidque, quando, quamdiu, quidque non aut nondum agi jubeas, desiderari. Omnia si dimidia hora singulis destinaretur, agi ut cumque possent...

Hagae XIV. Cal. Septembr. MDCXLII.

Après cette lettre nous n'apprenons plus rien sur le cours des études avant le 18 juin 1643, lettre publiée à la p. 552 du T.I.