Oeuvres complètes. Tome XXII. Supplément à la correspondance. Varia. Biographie. Catalogue de vente

[p. 37]

XII.
H. Bruno à Const. Huygens.
1642.

Leiden, collection Huygens.

Perillustris Domine,

De historicis, poeticis, Graecis, nuperrime affatim locutus nunc quae intenderam caetera sed brevioribus persequar. Post percepta Rhetorum praecepta et exercitata non semel nec unius generis declamatione ingenia deesse jam diutius dialectica videtur, quae sola cum judicio argumenta et nectere docet et solvere, vagosque et inordinatos et moestos sui conceptus certa coërcet methodo. Sed non diffundar jam ita ineptè in super varias laudes artis omni saeculo laudatissimae, nec, quod prioribus istis litteris Luciani encomiasta fecisse dici possim, Soli facem accendere iterum animus est. operam dem ut cum ratione insaniam si quà praedicari pro dignitate logicam sperem posse quae animal rationis doceat cum ratione loqui. Burgersdici¹⁾ institutionum sijnopsis Hollandiae passim scholis recepta²⁾ quàm optima et perbrevis est, nec parum memoriae accommoda, adjuvantibus hanc alternis et de se invicem natis quaestionum et responsionum. Vidi, non legi, Swaerdecroni cujusdam epitomen ista Burgersdici aliquanto etiam breviorem, sed nescio an non nimis aridam et à nimiâ brevitate, ut ferè sit, obscuriorem, et scio nusquam nisi in scholâ Rotterodamensi Erasmianâ quam sui vocant, in regno videlicet authoris ibi nimirum gymnasiarchae³⁾, hactenus obtinere. Tum ille, ut audio, assecla Rami est totus, quem tu vir maxime, si audis

1) Voyez sur Fr. P. Burghersdijck la p. 553 du T.I.

2) En 1626 parurent pour la première fois les ‘Fr. Burgersdicii Institutionum Logicarum libri duo’ (T.I., p. 553) lesquels furent imprimés de nouveau en 1644 (‘Ad juventutem Cantabrigiensem’), Cantabrigiae, ex off. Rogeri Daniel. Nous trouvons, reliée avec cette deuxième édition, sa ‘Institutionum Logicarum Synopsis, sive Rudimenta Logica, in usum Scholarum Hollandicarum’ (également Cantabrigiae, 1644). Bruno parle évidemment d'une édition antérieure.

3) Hendrik Swaerdecroon, né vers 1594, fut recteur dudit gymnase de 1634 à 1651.

[p. 38]

Lipsium heroa, qui magnum sibi esse negat eum virum cui Ramus magnus est⁴⁾, jamdudum proscribis ac procul esse jubes. Pergo ad alia, et quae minores parvulos tuos spectent maximè. Ludovicus doctor severâ lege visus per hos dies velle proficere ad doctrinam carminum. Neque prosodiam saepe ante in manus sumtam saepius rejectam nunc ingenti animo et semel pergressus est. utinam non sistatur iste torrens impetus medio cursu! nôsti, Pater, ut mutet in horas illud capitulum. Porrò ad finem Tristium Nasonis jam anhelat. His absolutis nescio annon praestet Eclogas Maronis aut ipsam Aeneida auspicari quàm libros de Ponto nostri eodem planè stylo ac ista Tristia scriptos. Philippus, ne quid dissimulem, gradu oppido quam testudineo progreditur. Velim ab domino patre ipso per epistolidion praemiolis diligentia excitetur...Promitto reipublicae et mihi aliquem ex hoc quoque ligno Mercurium, ut quando tuos mirabitur omnes omnis posteritas nemo non sciat esse tuos omnes. Voveoauguror.

Hagae Com. VII id. Augti MDCXLII.

Tuus servus
omni servitio
Henricus Bruno.

Mijn Heere, Mijn Heer
van Zuylichem
In 't Leger, tot Botberghen.

4) C'est dans une lettre de juin 1583 à Paulus Busius de Delft (‘Iusti Lipsi V.C. Opera Omnia, postremo ab ipso aucta et recensita, nunc primum copioso rerum indice illustrata.’ Tomus secundus. Antverpiae, ex officina Plantiniana Balthasaris Moreti, MDCXXXVII; Epist. LXXXIX, p. 60) que Juste-Lipse émet sur Petrus Ramus, le novateur français bien connu (qu'il appelle cependant ‘doctus, sedulus, industrius’) le jugement cité par Bruno: ‘Numquam ille magnus erit, cui Ramus est magnus’. Plus haut dans la même lettre, il écrivait: ‘Nos Aristotelem reducimus: sed ipsum &, si me audis. non solùm...Ille signifer quidem aut Imperator, si volunt: commilitent tamen alij...Plato aliquod agmen mihi ducat, aliquod Epictetus, Plutarchus, Seneca...’ Il ne faut par lire les commentateurs d'Aristote qui ‘detorquent rectissima ingenia’: ‘Ipsum legisse, & intellexisse, satis sit.’