No 2499.
H. Coets à Christiaan Huygens.
25 octobre 1687.
La lettre se trouve à Leiden, coll. Huygens.
Elle est la réponse au No. 2477.
25 Oct. 1687.
Nobilissimo et Amplissimo Domino Domino Christiano Hugenio Zuylichemio, Constantini F.S.P.D. Henricus Coetsius.
Libenter fateor, Nobilissime et Amplissime Domine, me et singulari Tuae humanitati, qua me vice non una excipere dignatus es, debito serius respondere, et promissioni, quâ meam Tibi obstrinxeram fidem, ultra constitutum mihi diem demum satisfacere. Verum non vanum huic dilationi patrocinium quaerere me credes, si asserere ausim, partim labores Academicos, justum sibi exigentes tempus, zelo, quo, si quid possim, tibi inservire semper conabor, haud exiguam interjecisse moram; partim ipsam materiae quam hic aggressus sum, difficultatem vel improbissimum meum non semel elusisse laborem. Quanti enim momenti opus sit in re ardua et fere abscondita, aperta primarum difficultatum janua viam monstrare, et manifestantibus sese molestiarum tenebris lucem offundere, illis notum est, qui praeclara inventa ex ignorantiae abysso in lucem trahendo, sibi gloriam et orbi literato commodum pepererunt haud contemnendum. In quorum numero te nulli secundum esse, cum omnes uno ore exclament, quotquot sunt studii mathematici cultores facile veniam dabis, si non statim fidem datam liberaverim; praesertim cum ego in Praxi Analytica adhuc juvenis et inexercitatus tanto non polleam ingenii acumine, ut in hac materia, a nemine quod sciam vel obiter pertractata, oborientibus dubiorum nebulis discutiendis prima fronte me parum exhibere potuerim. Rem autem ipsam, quam pauca folia, quae hisce literis comites dedimus continent, uno verbo explicabo. Cum pro summa tua liberalitate mihi, nuper colloqui Tui honore gaudenti, aperte assere volueris inventum meum circa curvarum descriptionem scopo suo, cujus totam summam utilitas publica facit, non in totum destitui quidem, sed illum melius assecuturum, si eousque se extenderet, ut non tantum unum et alterum punctum in Curva assignaret, sed praeterea totius lineae ductum omni ex parte determinare et ob oculos quasi ponere posset: Illi exhortationi flagrantissimo accedente desiderio hanc difficultatem e medio tollendi, adeoque methodum meam
ampliorem reddendi, nulli labori collum subtrahere volui; sed gravissimo huic oneri alacri animo subditis humeris, excogitando,
Auteursrecht onbekend