Oeuvres complètes. Tome IX. Correspondance 1685-1690

N^o 2497.
P.E. Vegelin van Claerbergen à Christiaan Huygens.
21 octobre 1687.
Appendice II au No. 2495.

La pièce se trouve à Leiden, coll. Huygens¹⁾.

Ad majorem Dei Gloriam.

Curiosorum considerationi exponitur Vis activa pulveris Pyrij; Eorumdemque scrutinio et indagini possibilitas, conceditur, ingentem ejus potentiam, in saniorem, quam hactenus cognitum usum deducendi.

Absque impietatis nota enim in dubium vocare haud licet infallibilem istam veritatem: Deum intendere solummodo salubrem creaturarum & inde compositorum (ad hominum bene esse, modo vellent, existentium) usum et finem. Cum è contra nimis notum sit: Corruptum et perversum hominum genium, plerumque relictà curâ usus salubris jmpetu quodam rapi, in exactam disquisitionem & applicationem abusus eorum, quae secundum dictam Creatoris intentionem, ad amplificandam ejus gloriam, ijs prodesse deberent.

Hinc quidam seducti, compositionem Pulveris Pyrij, Monacho cuidam mago, à Sathana edocto, simpliciter attribuerunt; forsan quia jmpossibile videbatur, vehementiam ejus in aliam operationem, quam explodendi, enecandi, discutiendi et destruendi redigi posse; Simile quid procul dubio, accidit in primaevis seculis antequam Vis Activa delabentis aquae & venti, primo adhibitis simplicibus rotis postmodum ijs dentatis, per sagacem artis maechanicae industriam, usui generis humani inservire caepit.

1) C'est la copie du commencement de l'article des Nouvelles de la République des Lettres, que nous avons cité dans la note 1 de la Lettre N^o. 2425. Elle est pleine de fautes de transcription. Nous suivons le texte original des ‘Nouvelles’.

[p. 238]

Sepositâ itaque praedictâ opinione, praesupponatur (1.) Inventorem Pulveris Pyrij qualem talem, Sedulum fuisse Chymicum; (2.) Solertes Chymiae operationes, Deo et naturae non esse exosas, vel inimicas, praesentissima enim venema in saluberrima transmutantur remedia (3.) Dari possibilitatem, dictam Vim Activam, licet momentaneam, & vehementissimam, mediante moderatore in ordinem cogendi, ut pro convenientia, operis, ad ordinarios molendinorum, aut alios labores perficiendos apta reddatur; Idque fieri, si implorationi Divinae Assistentiae, sedula industria Pyro maechanica jungatur & meditationes & manus intrepidé operi admoveantur; Maximè vero si ad demonstrandam supradictam possibilitatem & consequenter Omnipotentis Creatoris Gloriam, non autem solummodò ad utilitatem praesertim respiciatur, quam Providentia ejus pro placito, huic aut sequentibus seculis largietur.

In magnis tentasse magnum, absolvere maximum²⁾.

2) Cette phrase ne se trouve pas dans le texte des ‘Nouvelles’.