Oeuvres complètes. Tome VIII. Correspondance 1676-1684

N^o 2304.
P. van Gent à Christiaan Huygens.
7 juillet 1683.

La lettre se trouve à Leiden, coll. Huygens.
Elle fait suite au No.. 2290

Nobilissime Vir

Miratus procul dubio fuisti nobiscum, quod Nob. D. Tschirnhaus per aliquot mensium spatium nec ad Nob. Virum, nec ad nos quicquam literarum dederit, sed mirari desines, ubi legeris hoc ideo factum, quod studijs ultra modum, et quidem ardentius ac unquam in vitâ suâ incubuit: fructus (inquit) harum meditationum suo tempore videbis. Monet insuper se optima frui sanitate, et, quod magis est, tali libertate, qua studia sua pro lubitu continuare potest: eam etiam habet conjugem, quae ipsi tantum otij ac placet concedit, amici favent, minus impedimento sunt, et omnia ex voto succedunt. Jam totus in eo est, ut absolvat Tractatum tibi haud ignotum¹⁾. Scripsit ad varios in Academia patronos, petijtque a me, ut Nob. V. per literas indicarem se brevi ad te responsionem daturum: carpit interim me, quod N.V. ejus matrimonium inconsiderate significarim²⁾: metuit enim, si id resciscant, magnas ab adversarijs molestias. Ego vero abs te N.V. obnixe, ut illud tacitum, quantum potes, habeatur, peto: ignorant enim quantum commodi ipsi ex hoc statu in Germania accidat. Voluit denique, ut haec poemata Germanica von der Hr. Hofmans Waldauw³⁾ ad te mitterem, quo ea, data occasione, vel per alios traderes juniori Carcavi⁴⁾; (cujus parens vestrae Academiae Director)

1) Les ouvrages cités dans la Lettre N^o. 2276, note 2.

2) Voir la Lettre N^o. 2285.

3) Christian Hofmann von Hofmannswaldau, conseiller impérial et président du conseil de la ville de Breslau, né le 25 décembre 1618, mort le 18 avril 1679. Il étudia à Leiden et voyagea en Angleterre, en France et en Italie. On a de lui plusieurs ouvrages poétiques, parmi lesquels quelques traductions de l'italien et du français.

4) Charles Alexandre; voir la Lettre N^o. 1832, note 3.

[p. 427]

ipsi degens Parisijs ea sancte promisit. Hisce valeto, et salutem N.V. à nostro Tschirnhauzio annunciari plurimam scito: ita et vovet

Tuus ad quaevis paratissimus servus Petrus à Gent.

Fac brevi N.V. sciam hasce una cum libro rite tibi traditas.

Amstel. 7 July 1683. Op de nieuwe Heere graft naast de hoek van 't Koningsplein aan de slinkerhand.

WelEdele Hooggeboren Heer, mijn Heer Christian Hugens Heer van Zulichem

Met een boek getek. C.H.

port

à la Haye.