Oeuvres complètes. Tome VI. Correspondance 1666-1669

N^o 1544.
R.F. de Sluse à Christiaan Huygens.
8 juin 1666.

La lettre se trouve à Leiden, coll. Huygens.
Elle a été publiée par C. le Paige dans le Bull. di Bibliogr. T. 17.

Nobilissime Domine

Venerunt ad me nuper iuvenes eruditissimi duo Hamburgenses a quibus has accipies, et amicorum nomine quorum plerique mihi tecum communes sunt, singulari humanitate salutem dixerunt. Cum vero post lustratam Jtaliam, Galliam et Hispaniam, Foederati quoque Belgij prouincias inuisere, teque praecipuè earum decus, salutare decreuerint, noluj eos absque literis meis dimittere: non vt eos tibi commendarem quos merito suo tibi acceptissimos fore confido sed vt hac occasione, constantem quo tibj diuinctus sum, affectum testarer.

Epistolas tres Astronomicas in Jtalia editas quas anno exeunte ad te misj¹⁾, tibj redditas fuisse existimo.

Expectauj diu tuum de Obseruationibus quas continent iudicium, vt Romam, si ita videretur, perscriberem: Sed nihil adhuc accepi, quod grauioribus fortasse

1) Consultez la Lettre N^o. 1506 du 11 décembre 1665.

[p. 44]

curis occupato, his studijs vacare vel non licuerit vel certe non libuerit. Meam tamen operam, quando tibi commodum erit rursus offero, meque solemnj formulâ subscribo

Tui obseruantissimum Renatum Franciscum Slusium.

Dabam Leodicj Juny