Oeuvres complètes. Tome II. Correspondance 1657-1659

[p. 425]

N^o 630.
N. Heinsius à Christiaan Huygens.
1659.

Cette pièce a été publiée par Chr. Huygens à la suite de la Dédicace de son Systema Saturnium.
Elle a été insérée par N. Heinsius dans ses Poemata de 1666¹⁾.

Nicolai Heinsii, D.F., Ad Auctorem Systematis.

Laudibus Hugeni pars addite magna paternis,

Quem totum Vranie vindicat una²⁾ sibi.

In cunis placiti reptare per avia coeli,

Astra tibi puero volvere ludus erat:

Astra minus patrijs non trita penatibus olim;

Cognita natali non minus astra solo.

Iamque eadem populis mirantibus astra recludis,

Perspicua ingenij lumine facta tui.

Qualis sidereo radiatus in aethere Titan

Oppositam nocti spargit ubique facem.

Ardue stellantis salve metator Olympi,

Qui superâ nobis das regione frui:

Per quem, discussâ dubiae caligine mentis,

Inserimur liquido cominus³⁾ ora polo.

Devocat in terras, magico sine carmine, Lunam

AEqua Syracosio cui manus arte seni.

Ecce Iovis genitor tenebroso carcere per te

Et fugit, & laetam rursus oberrat humum.⁴⁾

Macte ausis⁵⁾ studioque; Deos qui vindice chartâ

Asseris: inventi qui facis astra tui.

Nunc sua Saturno cum vincula demseris ipsi;⁶⁾

Saecla tuum terris⁷⁾ aurea munus eunt.

1) Nicolai Heinsii Dan. Fil. Poematum nova Editio, prioribus longe auctior. Accedunt Johannis Rutgersii Postuma, et Adoptivorum Carminum Libri II. Ad Illustrissimum & Excellentissimum Virum Carolum Sancta-Mauraeum Ducem Montozerium. Amstelodami, Apud Danielem Elzevirium. ciɔiɔclxvi. in-8^o.
Dans cette édition se trouvent les variantes suivantes:

2) alma

3) comminus

4) Et Jovis annoso genitor nunc carcere per te
Prodit, & insolitam rursus oberat humum.

5) ausu

6) Falcifero tenebrosa feni cum vincula laxas

7) nobis