Oeuvres complètes. Tome II. Correspondance 1657-1659

[p. 285]

N^o 552.
Gregorius a St. Vincentio à Christiaan Huygens.
3 décembre 1658.

La lettre se trouve à Leiden, coll. Huygens.

Clarissime Domine et Optime Christiane.

Recreauit me non parum, cum nomen tuum, jn epistola ad me tua¹⁾ repertum; tum experimentum cuius in eadem fit mentio, rej hactenus inauditae. statueram prius atque hasce scriberem, ocularis testis fierj: nimiam vero moram nectente artifice, veritus sum jnurbanitatis notam jncurrere, dilatione nimia. hucusque, praeter admirationem, à me jmpetrare potuj nihil, circa jnuentum tuum: haereo enim adhuc, vt causam rej percipiam satis reconditae; jn qua animo magis nutarem, nisi authoritas tua, experimentis firmata formidinem erroris excutere nata esset. differam vlteriorem scriptionem, donec mihi satisfecero per experimenti ocuralem²⁾ jnspectionem, et contemplationem; quam consideratione judico dignissimam, quae varijs occasionibus jnseruire poterit: mittam exemplar³⁾ Domino Kunnero⁴⁾ jnscriptum. non dubito gratum eidem donum futurum; praesertim ab eo sibi transmissum, quem jn delicijs habet. De regulis meis proximis latius acturus sum. Salutem amicam adscribo Clarissimo et amicissimo meo Domino Schooten. Vale et me ama.

Tuus quem nostj Clarissime Domine Gregorius a S^to Vincentio.

Gandavj 3^a Decemb. 1658.

Clarissimo Domino Domino Christiano Hughenio a Zulichem Hagae Comitis.

VIII

1) Nous n'avons pas retrouvé cette lettre.

2) Lisez: ocularem.

3) L'ouvrage de la Lettre 511, note 2.

4) Lisez: Kinnero.