Oeuvres complètes. Tome II. Correspondance 1657-1659

N^o 417.
R.F. de Sluse à Christiaan Huygens.
23 octobre 1657.

La lettre se trouve à Leiden, coll. Huygens.
Chr. Huygens y répondit par le No. 424.
Elle a été publiée par C. le Paige dans le Bull. di Bibliogr. T. 17.

Nobilissime Domine

Accepi nuper Parisijs a Nobilj Italo¹⁾ quocum mihi familiaritas intercedit, et qui ab aliquot mensibus in Gallijs agit, haec Problemata²⁾. Eorum solutionem frustra tentatam scribit a pluribus Mathematicis, proponente viro, vt ait, ingeniosissimo Domino Pascal quem fortasse noueris. Ego primum vidj statim solui posse per locum solidum, intersectione scilicet duarum Hyperbolarum: sed cum casum vnum ad analysin reuocarem, reperj planum esse, nec difficilis solutionis, licet ϰατασϰευὴν ostendat paulo intricatiorem.

Secundum arbitror originem suam debere quinque planis conum vel conos oppo-

1) Probablement (voir la Lettre de de Sluse du 7 juin 1658) il s'agit de:
Cosmo Brunetti, né à Florence, abbé, qui a longtemps séjourné à Rome, en France, en Hollande et en Pologne, où il mourut vers 1680; en 1657 il était à Louvain, où il jouissait de l'intimité de Sluse.

2) Voir l'Appendice N^o. 418.

[p. 72]

sitos tangentibus: sed vlterius in illa inquirere nec vacat nec libet. Mitto³⁾ autem ad Te vt intelligam, num quid de illis hactenus inaudiueris.

Est et aliud de quo datâ occasione Te moneam: Διάγραμμα ψευδὲς in mensâ relictum, cui simile in litteras nuper ad Te datas transtulj⁴⁾, vereri me cogit ne fidem eius secutus aliquid erroris admiserim in Exetasi Parabolarum Patris a S^to Vincentio. Res ita se habet. Est quidem CX aequalis et similis CL, sed AY non fit eidem aequalis vt diagramma indicat sed ipsj AL. Corrige itaque et excusa si quid peccatum est. Quot et Te fecisse iam scio. Nam nimium et doctrinam et humanitatem tuam nouj, quam vt vel Te non animaduertisse suspicarj possim, vel non excusasse, calamj inconsultâ mente festinantis errorem. Vale Vir Clarissime meque pari semper affectu prosequere

Tuj obseruantissimum Renatum Franciscum Slusium.

Leodij 23 8bris 1657.

Nobilissimo Clarissimoque Domino Domino Christiano Hugenio de Zulichem. A la Haye.

VI.

3) Voir l'Appendice N^o. 418.

4) Voir la figure dans la Lettre N^o. 416.