Briefwisseling. Deel 6: 1663-1687

7068. Aan N. Heinsius⁷⁾. (L.B.)*

Non properavi, vir amicissime, hoc te poematio, jam excuso, denuo obtundere, ut cuius te satias pridem cepisse debet. Ecce exemplaculum tamen, quale cum paucis amicorum hinc inde communicavi, et favetur senili Mosae longe praeter expectationem meam. Alteram chartulam si dignaris Ill.^mo Principi Praesulique nostro⁸⁾ mittere, cum scribendi occasio erit, feceris mihi quidem rem non ingratam, sed quam ipse aggredi non ausim. Tenue munusculum est mole ac stilo, at quod ille, harum amoenitatum eruditissimus cultor, quâ est mirabili humanitate, cursim inspicere non volet aspernari, tuâ certe manu oblatum, forte an et calculo commendatum. Vale, et quid rerum agas in illo tam tranquillo secessu⁹⁾, fac, ubi otium erit, subinde sciamus. Hag., IIX anni CIƆIƆLXXIIX, quem tibi a capite ad pedes praecipue sanum et jucundum opto.

7) De minuut is in K.A. - Zie No. 7065.

8) Nl. Fürstenberg; zie blz. 305.

9) Heinsius woonde te Vianen.