Briefwisseling. Deel 6: 1663-1687

[p. 253]

6722. Aan Anna Maria Schurman¹⁾. (K.A.)

Quae me dicebam de voce gestuque oratorum nostrorum lusisse et eâ, quam odi cane peius et angue²⁾, ineptissima in sacris affectatione³⁾, hic habes, quando non ingratam eorum lectionem habitura videbaris. Addo tabellam Netschardij nostri⁴⁾, cuius artificio magis delectaberis; accedit eiusdem ectypum a manu primogeniti mei, et ab eadem soror eius, unica mea tui sexus. Item Anglicae cuiusdam vultus ad insigne exemplar Dijckij. Denique et Christiani, sive, ut vocari solet, Archimedis mei, effigies Annae Bergerottae, eximiae musicae Romanae, quam Lutetiae saepenumero admirati sumus; nec non Osmaliae⁵⁾, quae nunc Amersforti vivit. Reginam Magnae Britanniae, quae nunc anus pene decrepita procul ab ista forma est, pinxit egregius olim artifex Hoskins⁶⁾, quem ante annos quadraginta et quod excurrit Londini novi; alteram etiam nobilem Anglicanam duodecim tum liberorum matrem. Ecce capsulas meas excussi, ut momento te oblectes, ubi a graviori studio lassula surrexeris, nimirum a commercio tot literarum, quibus te fatigat orbis universus. De singulis hisce quid sentias, quod commodo tuo fiat, gaudebo scire. Vale, nostrum decus. Hag. Com., VI Id. (8) Sept. 1669.

1) No. 6722 a. Den 10^den Sept. zond Huygens nog een briefje (K.A.) met het vers, dat hij vergeten had.

2) Hor., Epist., I, 17, vs. 30.

3) Blijkbaar het gedicht Aen sommighe predikers (vgl. Gedichten, VII, blz. 102-105), in Oct. 1666 geschreven.

4) Caspar Netscher (1539-1684), geb. te Heidelberg, was een zeer bekend schilder, die bijna zijn geheele leven in ons land heeft gewoond.

5) Zie IV, blz. 113.

6) John Hoskins († 1664) was een bekend Engelsch miniatuurschilder.