Briefwisseling. Deel 6: 1663-1687

6596. Aan Colbert²⁾. (K.A.)

Je viens de sçavoir par lettre de mon fils, comme il auroit pleu au Roy se souvenir de moy en sa bonté royale que je n'ay jamais esté ni ne seray jamais capable de meriter. La satisfaction que j'y trouve, Monsieur, ne part, grace à Dieu, ny de disette qui m'incommode, ni d'avarice qui me tente. La grace que me faict S.M.^té de me sauver du reproche des medisans, en ce

2) Uitgegeven in Oeuvres complètes de Christiaan Huygens, VI, blz. 98.

[p. 206]

qu'elle daigne me traicter de mesme qu'elle a accoustumé de faire ceux dont la negociation ne luy a pas depleu, c'est, Monsieur, une faveur que j'estime à si haut prix, que je ne trouve point de paroles qui puissent dignement expliquer le ressentiment que j'en ay. Si vous aviez la bonté, Monsieur, de vouloir representer cela par occasion à S.M., ce seroit le comble de tant de faveurs dont il vous a pleu m'honorer, et les miens, mesme en ceste derniere occurrence, dont je sçay bien que je vous suis redevable tres particulierement. Je vous supplie tres-humblement, Monsieur, de m'accorder ceste grace, et d'avoir aggreable les instances que mon fils aura l'honneur de vous en faire de bouche, quand l'occasion s'en presentera. Si j'estois si heureux que d'en rencontrer où j'eusse moyen de vous donner de plus fortes preuves de ma tres-humble devotion à vostre service, j'ose vous asseurer que je m'y prendrois en sorte que vous ne me refuseriez point l'honneur de me croire ..... 6 Jan. 1667.