Briefwisseling. Deel 6: 1663-1687

6541. Aan Alibert en des allus³⁾. (K.A.)

Je suis bien ayse de veoir qu'en procurant le service de mon Prince, j'ay eu occasion de faire chose qui vous fust aggreable. Quand il n'y auroit eu que le souvenir de la candeur et franchise dont vous avez tousjours usé en mon endroict, dans ce que nous avons eu a demesler ensemble, il y en avoit assez pour me porter à ne vouloir pas volontiers changer de main. J'ay pourtant voulu, pour ma descharge, donner loisir de parler à ceux qui avoyent d'autres pensées, et vous puis dire en suitte, que c'est moy mesme qui ay retenu la depesche de ceste ratification, resolue incontinent apres mon arrivée. Vous estes si sages, Messieurs, que vous ne voudriez pas m'en blasmer. Voyez, s'il vous plaist, si je suis capable de vous servir en autre chose, et ne me faictes pas le tort de croire que je manque jamais à vous tesmoigner que je suis ..... A la Haye, ce 8^e Avril 1666.

3) Kopie van andere hand. - Zie blz. 45.