Briefwisseling. Deel 6: 1663-1687

[p. 79]

6303. Aan Bennet¹⁾. (H.A.)

Le memoire que j'ay eu l'honneur de presenter au Roy s'estant rapporté à la declaration de S.M. du 25 Aoust 1663, par laquelle elle avoit eu la bonté de reconnoistre les sommes deuës à S.A. Monseigneur specifiées et verifiées par l'estat que j'en avoy delivré, j'ay cren sans heziter, que l'acte de privy seal qu'il a pleu au Roy me faire esperer se rapporteroit en suitte à ladite declaration, et que sur ceste depesche j'auroy moyen de negotier quelque somme capable de soulager le present et pressant estat des finances de S.A. Si on l'entend autrement, comme il me semble que j'ay pû concevoir de vostre discours d'à ce matin, je sçay bien qu'encore que ce n'est que nostre argent que nous demandons, il ne m'appartient pas de contester la bonne volonté du Roy. Seulement je vous supplieray de vouloir en ce cas laisser la somme de ladite depesche en blanq, afin que Sa Ma.^té la puisse faire suppleer à telle proportion qu'elle jugera raisonnable, selon l'affection paternelle que je suis bien asseuré qu'elle a pour ce jeusne Prince son nepveu, et son intention reelle à le veoir satisfaict de ce qui luy est deu avec autant de justice qu'il a esté fourni avec de la generosité, tous les postes dudit estat estans esgalement legitimes.

J'ay d'ailleurs à vous supplier tres-humblement, Monsieur, de vouloir tenir la main à ce que je puisse estre esclarcy au plustost des intentions finales du Roy sur ce que nous aurons à faire ou à laisser en la poursuitte de l'affaire d'Orange. Car vous sçavez que pour achever d'une ou d'autre façon avec le Roy de France, il est necessaire que quand on parle au nom de la Tutele que S.A. Madame la Princesse Douariere represente, les voix et les offices en soyent uniformes, et tendent ensemble à mesme fin. J'espere Monsieur, que ces importunitez que je ne cesse de vous donner, tendront en partie à vous faire haster l'expedition d'un homme qui n'est bon qu'à vous protester en paroles qu'il est, comme en verité il le sera toute sa vie en effect ..... Lond., 9 Juill. 1664²⁾.

1) De brief is in het Public Record Office te Londen, de minuut, die hier gevolgd is, in H.A. - Dr. N. Japikse te 's-Gravenhage is indertijd zoo vriendelijk geweest, mij zijn afschrift van verschillende papieren uit het Public Record Office ter beschikking te stellen.

2) De brief zelf heeft den datum 29 Juni, maar dat is oude stijl, die toen in Engeland nog algemeen gebruikt werd.