Briefwisseling. Deel 5: 1649-1663

5533. Aan de hertogin van Lotharingen⁵⁾. (K.A.)aant.

Je m'acquitte le plus promptement que je puis d'une promesse que j'ay l'honneur de faire à vostre excellent petit prince⁶⁾. Il est temps qu'il commence à s'apprivoiser aux petits coups de pistolet, et n'y a que sa mere qui les puisse apprehender de bonne grace. Je rens tres-humbles graces à V.A. de l'adresse qu'il luy a plû me donner au Juste⁷⁾. Il a promis d'executer ses ordres dans trois sepmaines, qui me dureront comme autant de moiz. Ma patience toutefois s'y disposera, si V.A. permet que la copie que je doibs avoir soit retorquée sur le naturel, pour une seule demie heure, qui est la grace que le Juste m'a faict esperer, et que je demande aveq submission. Si V.A. m'en gronde, je repliqueray: Paix, paix, ne faictes point de bruict, et disposez en selon vostre bon plaisir, qui sera tousjours le mien. Les recommandations qu'il a pleu à V.A. me commander pour nostre cour, ont esté receues aveq l'estime qui se doibt, dans une rejouïssance generale de la perte qu'a faict V.A. de la personne dont j'ay promis le requiem dessus mon luth et ma viole. Je tiendray à une faveur signalée, si V.A. me faict l'honneur de permettre que je soys informé à son temps des suittes de son succes. Elles ne seront jamais si bonnes, que je ne les souhaitte infiniment meilleures, estant aveq la passion que j'espere que V.A. me croit ..... 12 Mars 1657.

5) Kopie.

6) Blijkbaar een jongere zoon van Beatrix de Cusance; de oudste, Charles Henri, prins van Vaudemont, was in 1649 geboren.

7) De bijnaam van den een of anderen schilder? Of de vertaling van zijn voornaam Joost?