Briefwisseling. Deel 5: 1649-1663

5441. J. Westerbaen⁶⁾. (L.B.)

Cum Anemaulica tua, vir nobilissime et praestantissime, sive tractatum tuum de Usu Organi edideras, percussit te calce sua vir, cui nomen ab illâ calce erat, qua dealbantur parietes⁷⁾. Est scilicet periculosae plenum opus aleae⁸⁾ sacris se immiscere, etiam illis, quae ea aliquo modo concernunt. Evenit et mihi ut, postquam Psalmos Davidicos Belgicis rhythmis a me conscriptos⁹⁾ cum praefatione illis praemissâ edidissem, quidam illam secus et praeter mentem meam interpretarentur, et quae ego candide dixeram aliorsum detorsa lividis arroderent dentibus, minitantes mihi magnum malum et calamos stricto mucrone coruscos¹⁰⁾. Dum trepido ad horum et arundinum umbras, prodijt tandem post tres ab editione odarum istarum menses libellus cujusdam anonymi, qui se Vondelium aut Vondelij praecursorem appellat¹¹⁾. Placuit huic tenebrioni personam induere viri, quem mihi putabat aliquatenus infestum, ut forsitan illum sibi hyperaspisten in arenam hanc contra me hoc pacto alliceret, qui me cum larvis luctantem porro conficeret. Etsi autem haec cordatis, si spernerentur, vilescere posse videbantur, tamen ne silentium meum in conscientiam duceret hic lucifuga, et id serio triumpharet apud illos, qui inter sacrum et saxum discernere non norunt, visum fuit aliquid calumnijs et obtrectationibus illius reponere¹²⁾, cuius exemplar ad te mitto. Si tibi otium et operae

6) Uitgegeven door J.A. Worp, t.a.p., blz. 262.

7) Nl. J.J. Calckman; zie III, blz. 261.

8) Hor., Od., II, 1, vs. 6.

9) Nl. Davids Psalmen, in Nederduytsche rijmen gestelt door J. Westerbaen..... Op de selfde wijsen ende getal van zang-versen, als die in de Fransche ende Nederlantsche Gereformeerde Kercken werden gesongen. Mitsgaeders eenige Lofsangen ende gebeden, 's Gravenhage, 1655. - In 1656 zag een tweede druk het licht.

10) Naar Verg., Aen., II, vs. 333.

11) Het pamflet J. van Vondelen Voorlooper ..... (vgl. Tijdschr., t.a.p., blz. 200).

12) Nl. Boden-Brood voor den Man, die sich noemt 1. van Vondelen Voorlooper (t.a.p., blz. 201).

[p. 248]

pretium erit haec aliqùando percurrere, videbis etiam me tuo hic usum patrocinio, qui etiam, ubi Psalmis meis aliquid praefatus fui, paginae partem fecisti. Vale et me benevolentia et favore prosequi dignare. In Ockenburgo, postridie solstitij hyberni (= 22 Dec.) A. CIƆIƆCLV.