Briefwisseling. Deel 5: 1649-1663

5345. J. Westerbaen⁶⁾. (L.B.)

Sacri dies sunt, inquis, ad sacra te remitto. Sed non durant illi nisi ad crepusculum, cum Cytheraea choros ducit Venus imminente Luna⁷⁾, etc. Post festas autem luces non ad profesta me contuli, sed mutatis sacris illa, quae Apollinis sunt, tractavi, dum post me coenant mei, et ecce quos scripsi jambos et scazontes ad Laconicum istud novi Lycurgi edictum:

6) Uitgegeven door J.A. Worp, t.a.p., blz. 256. - Zie No. 5343.

7) Hor., Od., I, 4, vs. 5.

[p. 204]

 

Gallum time; nec sit pudor; leoninum est.

 

 

 

Gallum timere me jubes, et hunc timet

 

Qui nocte opacis prodiens lustris ferox

 

Sese recondit hujus ad cantum leo;

 

Nec hoc pudendum ducis exemplo ferae,

 

Ad cujus omne trepidat adventum nemus.

 

Sed Gallus ille, quem timere me mones,

 

Ὁμώνυμος, qui praevalere caeteris

 

Civilitate, comitate, moribus

 

Perquam subactis allaborat gentibus,

 

Nunquam timendum se Batavis auribus

 

Credat superbus, arrigat cristas licet

 

Alisque caedens aërem sylvis canat,

 

Quod, qui colendi gratia sui metra

 

Ad Gallicana Belga praebuit stylum,

 

Non absolutum hoc omnibus fecit modis,

 

Nec splendide, nec Gallice, quantum est satis.

 

Quin laudet ipse Celta conatus bonos,

 

Quin et labanti porrigat manum libens,

 

Non illum aduncis naribus suspenderit.

 

Sin et timeri Gallus iste se velit,

 

Non abnuo, sed acquiesco, si sua

 

De gente nobis quempiam produxerit,

 

Quem plus canendo versibus Batavicis

 

Quam praestitisse dixeris me Gallicis.

........................................¹⁾

De tuis, quae apud me haerent, nihil addo; non tractamus ista ἑν τῇ ἑορτῇ τῶν ἀζύμων. Denuo illa pervolvam propediem et ad te deferri curabo. Vale. VII Id. (7) Apr. CIƆIƆCLIV.

1) Dan volgt het gedicht, dat onder den titel: Ad ejusdem Monostichon Gallos time; nec sit pudor; leoninum est, quo me ab editione versiculorum aliquot Gallicorum deterrebat, afgedrukt is in Westerbaen's Gedichten, 1657, II, blz. 242.