Briefwisseling. Deel 5: 1649-1663

5326. Aan graaf Lodewijk Hendrik van Nassau⁴⁾. (K.A.)aant.

Quos ad me dignatus es in gratiam D. Cyriaci Lentuli⁵⁾ clementissimas literas dare, ijs ego respondere cupiam non tam verborum inanijs quam factis et obsequio, quali me non nuper obstrictum illustrissimae domui Nassavicae fateor libens meritoque. Cogitanti tamen cujusmodi a me opellam praestari viro eximio jubeas, mihi quidem non occurrit quo testari valeam, quanti gloriam parendi fecerim, quotiescumque tibi, illustrissime domine, collibitum fuerit mandatis me tuis honestare. Nec ipse quidem autor epistolâ ad me scriptâ eo collimare videtur, ut historiae, quam tractat, pertexendae quidquam a nobis suppeditetur, satis nimirum gnarus, res ab heroibus nostris publice gestas ex eorum commentarijs, qui in idem argumentum complures hactenus incubuere, facile se edoceri posse, quin, ut ego mentem scriptoris capio, sustentando potius sibi et animando quod faciat, conferre Principem pupillum velit, quam ut schedulis situ foedis instruatur. Ea de re cum certiorem ego celsissimam Principem aviam feci, agnovit propensam viri eruditi voluntatem omni et Nassoviorum et Auriacorum favore dignam esse, neque obscure professa est, ubi aliquando ad umbilicum perductus ille labor luci publicae exponetur, curae sibi futurum, ut et nomine nepotis sui quâ par est humanitate excipiatur. De

4) Lodewijk Hendrik van Nassau-Dillenburg (1594-1662) was in 1623 zijn vader Georg als vorst opgevolgd.

5) Cyriacus Lentulus was professor in de philologie te Herborn, daarna te Marburg. Het boek, waarvan hier sprake is, schijnt niet te zijn uitgekomen.

[p. 196]

schedis quod occoepi dicere, Princeps illustrissime, nihil est quo subveniri clarissimo Lentulo magnopere intersit, praeter ipsum librum commentariorum¹⁾, quem de rebus a se et suo ductu gestis Princeps Fr. Henricus suâ manu exaratum posteris reliquit. Enimvero aureum illud volumen est, neque Iuliano²⁾ postponendum. Eius tamen ut adhuc cuiquam copia fiat, non arbitror impetrari posse. Premendum hactenus non una de causa judicavit Princeps longe prudentissima, neque se ab instituto dimoveri passa est, multorum votis et obtestationibus sollicitata inde ab excessu Principis mariti. Cessabunt certe causae, quas dixi, et erit, Deo volente, cum exorari sese sinet, cujus nunc in sinu latet cimelium nulli non pretiosissimo aequiparandum. Id beneficium aliquando si impetramus, habebunt hercule scriptores rerum Belgicarum, quo suas singuli lucubrationes ad limam revocent et incudem. Ego vero de re incerta nihil assero, de me meisque tibi, Princeps illustrissime, omnia obnixe polliceor, et quâ decet animi submissâ veneratione defero, dico dedicoque ..... 28 Jan. 1654³⁾.

1) De Memoires de Frederic Henry.

2) De Commentarii van Julius Caesar.

3) Daaronder staat: qu[asi] 21 Dec. 1653.