Briefwisseling. Deel 5: 1649-1663

5316. Aan J. Westerbaen⁸⁾. (K.A.)*

Quando tu quidem serio id vis videre velle, ecce vir clarissime ac doctissime, futilis et jocosi dramatis nuper a me effusi exemplar, quale nunc demum ex adversarijs alienâ manu descriptum, ipse meâ Calliopius recensui⁹⁾. Si tantum tibi abs re tua est otij, ut a capite ad calcem perlegas, meminisse velim properatum opus esse et, si calculum horarum exigas, totum quatriduum non absumpsisse. Idioma Brabanticum, coactis eo syllabis et elementis, exprimendum duxi, in gratiam eorum, quibus illud aut minus familiare, aut inauditum est, nimirum ut hanc inscitissimus quisque linguam, quam non didicit, sic legendo vi loquatur. Quae res cum alijs non nihil tenebrarum possit offundere, hosce item dictionariolo, quod ad calcem est, sublevavi. Tibi, vir nobilissime, ut haec splenem moverint, sive ad risum, sive ad rictum, scire juvabit, et libellum nemini porro revelandum quam ocijssime remitti. Vale. Hagae Com., IX Cal. Dec. (= 23 Nov.) CIƆIƆCLIII.

8) Ook in klad (K.A.). - Uitgegeven door J.A. Worp in Tijdschr. voor Nederl. taalen letterk., 1886, blz. 244.

9) De klucht Tryntje Cornelis; Huygens begon den 20^sten Sept. 1653 met het schrijven er van en voltooide het werk den 5^den Oct. Zie over het afschrift, waarvan hij hier spreekt, Gedichten, V, blz. 48, Noot.