Briefwisseling. Deel 5: 1649-1663

5262. Aan de hertogin van Lotharingen³⁾. (K.A.)

V.A. a veu mon impuissance, quand il n'a esté question que de luy rapporter les actions de grace qui m'avoyent esté dictées en chose qui ne me touchoit pas; je la supplie tres-humblement de considerer, où j'en suis maintenant que l'obligation que V.A. a daigné s'acquerir sur moy ne pese que sur mes espaules, et s'il est bien apparent que je respire soubs tant de faix, pour m'acquitter un peu de bouche de ce que je doibs à V.A. d'un present qu'il luy a pleu me faire aveq une promptitude si noble et si genereuse, que la chose mesme qui m'est chere en son espece, m'en est devenue inestimable. Il est vray, Madame, que j'ay esté bien ayse de rencontrer mes ayeuls dans la ville d'Anvers⁴⁾, où ils ont esté de quelque consideration anciennement, mais de les avoir trouvé logez au cabinet de V.A., de les avoir tiré de ceste illustre prison, quand j'ay voulu, de les en avoir veu sortir chargez de marques de vostre bienvueillanee qu'ils ne quitteront jamais, c'est une suitte de fortunes dont il importe que j'estudie chasque degré apart, comme j'espere que V.A. me fera la grace d'aggreer que je mette peine à les reconnoistre en destail, à mesure que j'auray l'honneur d'en rencontrer les occasions, car, comme j'ay voulu dire d'entrée, la somme totale m'acca[ble]⁵⁾, et n'y a que la bonté de ma creanciere qui puisse sauver ma reputation.

Toutes ces ames genereuses dont V.A. a eu les ressentimens aggreables, se sont rejouies du recit que je leur ay faict du calme survenu à la tempeste dont j'avois es[té]⁵⁾ tesmoing en partie, et V.A. ne seroit pas mal edifiée de leurs raisonnemens sur toutes les circonstances de l'affaire, si c'estoit chose à luy communiquer de loing. Du depuis M. Duarte nous a replongez dans je ne sçay quel nouveau desespoir, ce depart inopiné d'Anvers. Tout presentement il nous reconsole, Madame, de vostre retour. Je ne comprens rien à toutes ces vicissitudes, ny ne m'appartient p[as] d'en fouiller le mystere, mais je prie ceux qui en ont les causes et le pouvoir en m[ain]⁵⁾, de trouver bon qu'une fois V.A. se repose tout de bon de tant d'inquietude, et reto[urne]⁵⁾ sans tourner arriere, à la tranquillité que son innocence n'avoit pas merité de ve[oir]⁵⁾ interrompue. - Honthorst travaille à Utrecht au pourtraict que V.A. doibt av[oir]⁵⁾ qui sera semblable à celuy qu'on dit que V.A. a veu

3) Kopie van andere hand. - Het eerste gedeelte van den brief is uitgegeven door Jonckbloet, Gesch. der Nederl. Letterk., IV, 1890, blz. 54, Noot.

4) Zie No. 5265.

5) Het papier is hier afgesleten.

5) Het papier is hier afgesleten.

5) Het papier is hier afgesleten.

5) Het papier is hier afgesleten.

5) Het papier is hier afgesleten.

5) Het papier is hier afgesleten.

[p. 162]

dans la mesme ville, mais premier que passer à Anvers il sera retouché icy sur le naturel, et je ne reposeray point, que je ne rende V.A. satisfaicte de ce costé là, autant qu'il luy a pleu l'estre de mon entremise indienne. Je prie Dieu de luy donner subj[ect]¹⁾ de l'estre partout ailleurs, et demeure soubs la grace de son adveu..... A la Haye, le 9^e Dec. 1652.

1) Het papier is hier afgesleten.