ne soyent authorisez pour assister a la signature, mais je ne scay point d'expediant pour les seaux. Car cela ne se transporte point et ne sort jamais des provinces; ses deputez nauguerres a la Haye, pour assister la grande assemblee, n'ont eu de seau de la province, et vous scavez que mon ambassadeur ne se sert d'autre que de son propre; c'est pour cela que je vous prie de songer pour un expediant. Je suys bien marry que n'avez rien peu gaigner sur l'esprit de Madame et qu'elle persiste de parachever les nopces a Cleves; j'en suys tres afflige tant pour l'incommodite du chemin et temps que je craings randront Son Altesse malade, pour les frais et despands, qui ne seront moins pour moy que pour S.A.E., et seray incommode de chevaulx et equipage pour les transporter la. Je craings fort que cest annee je ne pouray estre si heureulx de parachever le mariage, car nous sommes desja entre au mois de Novembre, et en Decembre il fault que je suys de necessite icy a cause du changement de la magistrature, qui se faict quatorse jour devant le nouvel annee, ce que l'on pouroit tout parachever et prevenir, si Son Alt. le vouloit effectuer a la Haye, selon l'opinion et advis de force gens de bien, ses amis et serviteurs, au nombre duquel je vous compte un des premiers, et vous supplie de continuer vos bonnes intentions, de faire encores un assault pour veoir si rancontrerez un mellieure heure, ce que j'espere et le souhaite d'en attendre bientost des bonnes nouvelles. Ce voyage n'est nullement approuve icy, et jugent qu'il se doibt achever icy, ou a la Haye, avecques peu des ceremonies, selon le temps presant qui ne demande ny occasionne beaucoup de joye. J'attendray vostre responce sur celle cy et sur les articles adjoustees, et me signeray cependant ..... 25 Octobrc/4 Novembre 1651, Lewarde.
Auteursrecht onbekend