Briefwisseling. Deel 5: 1649-1663

5179. Prinses Amalia van Oranje³⁾. (H.A.)

J'ay receu toutes vos lettres, et vous n'ay pas peu respondre à cause de mon indisposition et que j'ay beu tous les jours des eaux de Spaa; cependant vous vous pourrez bien asseurer, qu'encor que j'ay signé un accord avec mescontentement, que pourtant la haste de mon voyage ne me l'aye pas faict signer sans consideration. Mais cela n'a jamais esté pour vous causer de prejudice; les ordres que j'ay donnez aux S.^rs Sonsfeldt⁴⁾ et Weinman vous apprendront le contraire, et en verité Monsieur l'Electeur et moy sont trop genereuses d'abandonner un si fidel serviteur de la Maison d'Orange comme vous; prenans plustost en consideration vos bons et vieux merites nous vous maintiendrons comme il faut. J'aurois signé l'acte que vous m'avez envoyé, mais le jugeant tendre plustost en vostre prejudice qu'à vostre advantage, j'ay aymé mieux de le garder aupres de moy jusques à mon retour à la Haye ou je vous en parleray plus particulierement. Quant au rectorat je suis d'advis aveq vous que le S.^r Philemon le continuë pour encor une année⁵⁾. Mais vous continuerez, comme je vous en prie, vostre zele pour le service de mon petit fils tant que vous vivrez et ainsi vous m'obligerez que je seray aussi toute ma vie ..... A Aix, le 15^e Septembre 1651.

3) De brief is alleen door Amalia onderteekend, zooals wel uit de spelling blijkt. - Zie No. 5173.

4) Zie blz. 57.

5) Zie No. 5178.