Briefwisseling. Deel 4: 1644-1649

4512. G. Wendelinus¹⁾. (L.B.)aant.

Diestense chronicon, quod hic iam habes, sub finem Augusti curavit exscribi Coolsius, virorum nobilissime, tuus; illud ego ad aedes meas detuli lecturus, et quidquid eius ad institutum meum faceret exscripturus, ac per idem tempus vocantibus me Puteani τοῦ μακαρίτου literis suavissimis ad encoenia Lovaniensia, dum illic sum, et Bruxellam cogito nihil aliud quam excurrere, invenio illic quae adversum Vindicias Hispanicas Chifletij²⁾ scripsit assertor Gallicus M. Antonius Dominicy³⁾, vir certe facundus, in quo quidem opere, etsi me nominatim non interpellat erroris aut mendacij, arguit tamen tacite vocalis, ubi pertendit scilicet Legem Salicam omnino latam trans Rhenum in solo Germanico, non intra Mosam et Scaldim, et decus hoc a nobis abdicat, neque tamen suis vindicat, satis sibi egisse ratus, si nobis aegre faciat, quod certe non facit. Nam sane dum editionem primam illam expendo, quam ex Fuldensi Bibliotheca expromsit Heroldus⁴⁾, et ad singulas paragraphos lego Malbergorum nomina, illa ego loco ferme omnia invenio intra nostram Taxandriam, sive, ut nunc loquuntur, Kempiniam. Itaque Bruxellae apud Chiffletium haesi tres totos menses huic indagini curiose impensos. Editionem, spero, videbis propediem. Interim autem dum illic sum, Lovanij cum Puteano excessere omnes, et chronicon tuum domi, procul me agente, iacuit, quod nunc cum meae culpae agnitione precatorem mitto ..... Hercâ, Nonis (5) Ianuarijs 1647.

1) Zie No. 4344.

2) Zie over J.J. Chifflet, I, blz. 288. - Zijne Vindiciae Hispanicae waren in 1643 uitgekomen.

3) Marc-Antoine Dominicy, rechtsgeleerde te Parijs, schreef Assertor Gallicus, contra Vindicias Hispanicas Joannis Jacobi Chiffleti, sive historica disceptatio, qua arcana regia, politica et genealogica Hispanica confutantur, Francica stabiliuntur, Parijs, 1646.
Chifflet antwoordde met Ad Vindicias Hispanicas lumina nova genealogica de stemmate Hugonis Capeti, adversus Assertorem Gallicum, Antwerpen, 1647.

4) Zie beneden.