Briefwisseling. Deel 4: 1644-1649

4461. C. Barlaeus⁶⁾. (L.B.)

Novisti opinor Johannem Reynstium⁷⁾, mercatorem Venetum, Amstelodami natum, at in Enganeis finibus, apud Duces et respublicas Italorum salis et Cereris mercatu celebrem. Is e

6) Uitgegeven door Van Vloten, Hooft's Brieven, IV, blz. 323.

7) Zie I, blz. 410, en boven, blz. 218. - Hij was 26 Juli gestorven.

[p. 354]

Gallijs domum reversus post compositas maritimas lites fatis concessit. Illi rogatu fratris¹⁾ parentavimus. Sed laetius alterius mihi carminis argumentum suppeditavit Heenvlietiae dominus²⁾; ita alias mihi partes praefica, alias Thalassio mandat. Per ferias caniculares exspaciatus vidi Amersfortiam et non visas ante urbes Daventriam, Arnhemum, Zutphaniam et Neomagum. Daventriae vidi pontem sublicium cymbis impositum, quem fluvij incrementa vel decrementa attollunt vel deprimunt, humani ingenij insigne aptumque commentum. Arnhemi conspexi sepulchrum Gelrorum Ducis Caroli, quem filius in vinculis habuit, securum huius infelicitatis. Unde proverbium: hij slacht den Hertoch van Gelder, hij kreunt het hem niet. Neomagi miratus fui Falcoviae³⁾ rudera et veteris vestigia secli, opera disrupta minasque murorum ingentes. Etiam supellectilem Romanarum reliquiarum excussi apud D. Smitthium. Sed maxime stupui ad urbis fossas profundas et ab aquis destitutas. Zutphania visa mihi fuit ob robur et valles Numantia nostrarum terrarum aut Plataearum urbs inexpugnabilis. Mox domum reversus litteras tuas accepi et versus ad Tessalam, quam Muydae repperi prunis victitantem, quae facile illi erat ob maturitatem arboribus decutere, ad discrimen illorum, quae sinus abscondit. Exposui illi quaedam tui carminis, sed non omnia, non illa de muscosi fontis via⁴⁾, etc. Jam Hagae Comitis sum, ut tyronem meum⁵⁾ invisam, qui aeger e castris huc ad fratrem⁶⁾ venit. Hodie mecum Amstelodamum abit, liber a febre, sed viribus impotens. Tu vale, mi Hugeni, et chartis hisce, quas mitto, fruere; per famulum, quaeso, distribue ijs, quibus inscripsi. Hodie celebrantur Honselredici nuptiae Walburgis cum Ill. viro Thoma Howard, e regum familia materno sanguine oriundo. Hagae Com., XXVII (Sept.⁷⁾) CIƆIƆCXLVI.

Ill. comiti⁸⁾ per occasionem me totum trade, et dic operas procedere.

1) Waarschijnlijk Gerrit Reynst (1599-1658), koopman, raad en schepen te Amsterdam.

2) Walburg van Kerckhoven, eene dochter uit het eerste huwelijk van Heenvliet, trouwde met Thomas Howard, zoon van den graaf van Sussex.

3) Het Valkhof.

4) Vs. 22 van het gedicht Ad Tessalam (zie No. 4435).

5) Nl. Anthony van Baerle; zie blz. 315.

6) Caspar van Baerle, de oudste zoon; zie II, blz. 57.

7) De maand is weggelaten, maar Huygens teekende op den brief aan: R. ad Venlon., 10 8b (Oct.) 46.

8) Nl. Johan Maurits van Nassau.