Briefwisseling. Deel 4: 1644-1649

4357. Aan F. Vautier²⁾. (K.A.)

Temperamento sum praecipue bilioso, in spleneticum inclinante, unde obstructionibus viscerum et susurris cerebri vaporosis, etiam hemicraniis et similibus incommodis affligi soleo. Oculis naturâ patulis et prominentibus, quo facilius in quasi-myopiam, ut tales solent multâ lectione et scriptione, sensim tamen et per exigua incrementa incidi. Accesserunt, sensim quoque et inde a triginta quidem annorum intervallo³⁾, muscae, retia, filamenta, guttulaeque volitantes, varijs nexibus implicatae, et cum oculorum singulis motibus importune agitatae, quasi sordes videas a fundo lagenae cum vino vapido concussas et varie sparsas. - Tandem nunc in oculo dextro punctum album circa medium pupillae fixum apparuit, qui oculus, ut prae altero semper afflictus fuit, hac suffusione nunc quoque sic impeditur, ut literas nisi grandiusculas aegre discernat. Potuit hoc punctum ante complures annos extitisse, a me autem nisi ante annum non fuit observatum, a quo tempore licet plane non videatur increvisse, in aperto tamen aëre ambulanti summopere est molestum, facitque ut, praeter filamenta quae dixi, trans fumum aut nebulam oculus iste omnia videatur intueri, neque prius illa cesset molestia, quam aut sub umbram, aut sub tectum concesserim⁴⁾. Fecit ea res, ut cauterium, olim in cervice appli-

2) Ook in afschrift van andere hand (K.A.). Minuut en afschrift hebben het adres: ‘Ad primarium Regis Galliae medicum’, zonder naam. Maar de geadresseerde was Vautier (zie beneden).
François Vautier (1589-1652) promoveerde in 1612 tot doctor in de medicijnen te Montpellier en werd in 1624 eerste lijfarts van Maria de Medicis. Richelieu, die hem niet vertrouwde, liet hem gevangen nemen en eerst na den dood van den grooten staatsman werd hij, na eene twaalfjarige gevangenschap, ontslagen. In 1646 werd hij lijfarts van Lodewijk XIV.

3) Toen Huygens in 1617 te Leiden studeerde, had hij daar eene oogziekte gehad (vgl. I, No. 27).

4) Deze zin komt niet voor in de minuut, maar werd door Huygens aan het afschrift toegevoegd.

[p. 313]

catum, deinde neglectum, denuo ante annum aperiundum duxerim, cuius beneficio, licet satis magna vis humorum emungatur, fateri cogor, fieri id sine ullo satis hactenus perceptibili oculorum levamento. - Quaero, quid consilij porro instituendum sit, quo mali incrementis obviam eatur. Quaero item, num propter ea, quae circa diaetam et visceribus cerebroque exonerando et confirmando praescribi possint, topice etiam quid adhiberi valeat, cuius vi trans corneam (?) sperandum sit sordes hasce aliquatenus posse dissipari, aut uberior effluxus earum interrumpi, et numquid hic spagyrica (?) suppeditare possit, quod vetus medicina frustra tentaverit. 21 Maij¹⁾ 1646.

1) In margine van de minuut staat: 10 Maij 1646.