Briefwisseling. Deel 4: 1644-1649

3882. Aan C. Barlaeus. (K.A.)

Quid mihi cum Pasgeldio intercesserit, ab eo tempore, quo gynecaeum illud una lustravimus³⁾, doleo tibi apparere non posse genuina phrasi. Enimvero Gallice provocato ijsdem armis pugnandum fuit⁴⁾. Breviter, rem cum virgine rursus habui, Osmalia puta, quam inter praestantissimas sorores eminere aiunt, quibus propius innotuit, quantum lenta solent, caet. Adhibe Hoofdium interpretem; haec sunt, quibus invitandus ad ridendum videbatur. Caeterorum, ut soles, ipse te benignum lectorem praesta. Accessit inter plura epigramma meum Italicum in incendium vestrum, quod hic alicuius praetij habetur. Addo versionem propriam⁵⁾, ne quis me distorqueat duro sermone, qualem nuper experti sumus⁶⁾. Hic monendus es - neglexi hactenus - nunquam id cogitasse me, Pontificios templum incendisse, ut ascribere videris pueritiae meae. Roman combustricem sic alloquor⁷⁾, quasi indigne rideat Ecclesiae novae incendium, quae veterem primitivam, orthodoxam, nostram exurere ipsa solet. - Addo denique Marini⁸⁾ longe praestantissimum epigramma, quod meo item more verti⁹⁾, ut ex ungue judices, quantus hic leo sit, cuius universam Posticum, volumen sic inscriptum, ejusmodi delicijs refertissimam habes. - De Tessela quid sentis¹⁰⁾? Ut animum superstitiunculis, stilum quotidie pluribus pluribusque tenebris implicat, intricat, involvit. Dictionario ad haec opus esset, quanquam videmus, nunc plura assequi. Rogavi hisce mensibus hybernis ad me excurreret¹¹⁾, neque enim Amstelodami aut Mudae conventurus isto vere, prout ingruere rei bellicae tempestatem video. Expecto, quid ab animo tuo impetratura sit. Tu vale, et tantum simul nimbum inficetiarum boni consule. Nihil reposco praeter

3) Zie No. 3868.

4) Vgl. Gedichten, IV, blz. 18-21.

5) Het Italiaansche vers is verloren gegaan, maar wij kennen Huygens' Latijnsche vertaling er van (t.a.p., blz. 24).

6) Zie No. 3843.

7) Zie I, blz. 213.

8) Zie No. 3872.

9) Caput factitium statuae proditoris (t.a.p., blz. 24) naar Marino's Testa posticcia nella statua d'un Traditore, dat o.a. te vinden is in La Galeria del cavaliere Marino. Distinta in Pitture, et Sculture. In Venetia. M.DC.LXIV. Presso Gio: Pietro Brigonci, blz. 315.

10) Zie No. 3872.

11) Zie beneden.

[p. 122]

schedas Gallicas, quas Catsius hactenus detinuit, plurimi autem quotidie molestissime expetunt. Hagae Com., XXV Ian. 45.