Briefwisseling. Deel 3: 1640-1644

[p. 488]

3527. G. Bartolotti¹⁾. (K.A.)

J'ay bien reçeu à son temps et fort apropos vostre agreable depesche de Buren avecq la lettre de S.A. pour M. le Cardinal Mazarin, que j'ay envoyee à son adresse, en esperant le desiré effect, comme j'ay trouvé par la copie d'icelle la teneur et construction tout a mon souhaict, dont je demeure obligé à vostre courtoysie, ainsi qu'il faut, et desireux d'encontrer l'occasion pour ma revanche, et pour un aultre fois - s'il vous plaist - s'y pourra espargner encor ce mot titulaire de ‘marchand’, puisqu'en France cela est de petite consideration, et ne sçauroyent y distinguer bien le marchand - ou negociant, comme nous l'entendons ici - d'avecq le merchier, ce qui soit dict avec vostre permission et sauf vos bonnes graces. Vostre lettre a M.^r Hooft²⁾, mon beau frere, luy a esté rendue, qui eusse bien veu - avecq moy et plusieurs autres amis - plus volontiers comparoistre vostre presence au festin des nopces que nous avons passé ceste sepmaine avec ma niepce Constance; n'avons pas manqué pourtant de celebrer particulierement vostre memoire ou souvenance avec une bonne carouste³⁾ à la coustume, en attendant meilleurs occasions a me fere cognoistre au vray ..... D'Amst., 5^e Juin 1644.

Poinct de nouvelles ici que la mort de M. vostre beau frere et mon intime amy, le sieur Jeh. van Baerle⁴⁾, decedé hier matin .....

1) Zie II, blz. 46.

2) No. 3521.

3) = croute

4) Zie I, blz. 145.