Briefwisseling. Deel 3: 1640-1644

3310. C. Rivet de Montdevis⁶⁾. (L.B.)

Vous verrez par la lettre que je me suis donné l'honneur d'escrire a Son Altesse l'estat auquel est l'affaire de Monsieur de Buillon sans qu'il soit besoin de vous le repeter. J'ay bien receu la lettre qu'il vous a pleu m'escrire et la copie que je demandois, dont Monsieur de Buillon est extremement content. Il le desiroit pour la faire voir a ses amis pour monster l'honneur que Son Altesse luy faict d'interceder pour luy. J'ay veu le pere Mersenne⁷⁾ qui estoit ravy de me voir. Je vous souhaite bien icy pour y voir comment Paris s'est accreu depuis que j'en suis party, et pour voir ce qui a esté faict du Louvre, qui est un miracle. Si je puis, j'en traceray quelque brouillon pour faire voir a S.A. pres de laquelle je tascheray de me rendre au plustost et et de m'instruire de tout ce qui meritera de luy estre raporté. Je ne vous scaurois exprimer l'honneur qu'on m'a faict en cette cour, ou on peut assez recognoistre la haute estime ou est nostre bon maistre. Plusieurs m'ont dit que ceux qui ont esté envoyez de sa part pour les affaires de Monsieur de Buillon l'ont tres mal servy; quand j'auray l'honneur de vous voir, je vous en diray bien des particularitez, et entre autres que, quand Son Altesse desirera quelque chose icy, il n'a

6) Uitgegeven door E. Prarond, Claude Rivet de Mont Devis, Paris, 1886, blz. 18. - Zie No. 3287.

7) Zie II, blz. 174.

[p. 405]

qu'a y envoyer quelcun des siens, sans en employer d'autres qui font ses affaires a leur fantaisie. Car il est en telle estime qu'il aura tout ce qu'il demandera, en le faisant cognoistre. Il ne me reste que vous baiser tres-humblement les mains et vous asseurer qu'en quelque part que je suis, je me sens si obligé de l'honneur que vous me faites de me donner part en vos bonnes graces, que je tascheray a en meriter la continuation par les services que vous desire rendre toute sa vie ..... De Paris, le 11 Juillet 1643.

Je vous supplie de me permettre d'asseurer de mon tres humble service Monsieur le Maistre¹⁾, M.^rs De Champs²⁾, Moire³⁾, Alphonce⁴⁾ et Lannoy⁵⁾. Par le mauvais temps je suis venu de Calais a Paris en trente heures.

1) Waarschijnlijk Arend van Dorp; zie II, blz. 328.

2) T.a.p., blz. 63.

3) T.a.p., blz. 192.

4) Waarschijnlijk Alfonso Pollotti; zie II, blz. 167.

5) Zie blz. 222.