Briefwisseling. Deel 3: 1640-1644

3234. J.A. Bannius⁶⁾. (L.B.)aant.

Ecce conatuum meorum musicorum primitias tibi dudum debitas, nescio qua typographi remorâ hactenus suspensas vel protractas in anni circulum. Coram exemplaria tibi obtulissem, nisi valetudo prohibuisset, cujus reparandae nunc satago. Interea totis viribus in responsione literarum G. de Manourij⁶⁾ occupor, cujus rei exactiorem discussionem, quam antea inceperam, nunc resumpsi. Spero intra quindenam absolutam tibi offerre responsionem aliaque nonnulla opuscula musica, quorum copiam antehac scripto per famulum meum tibi praestandam addixeram. - Haec exemplaria per manus communis amici Van der Burgij praemitto, plura praestiturus, ubi jusseris. Bibliopolae vero sequenti hebdomade distrahendi exemplaria copiam faciam, nisi aliter statueris. Interea ex munusculo vide affectum clientuli tui ..... Harlemi, X Aprilis CIƆ.IƆC.XLIII.

6) Zie blz. 350.

6) Zie blz. 350.

[p. 373]

Tesseladamna¹⁾, heroina eminentissima, mihi adest, tuasque aures auscultandae musicae meae commodato petit. Quod nisi Van der Burgius coram latius explicuerit, fidem amicitiae fefellerit. Tu vero, vir nobilissime, si nobis adesse queas, maximam beatitudinis mihi partem attuleris. Vale et veni, ait mecum Tessela tua.

1) Tesselschade Visscher.