Briefwisseling. Deel 3: 1640-1644

3078. Aan prinses Amalia van Oranje. (H.A.)*

Ce poste ayant a cheminer pour choses d'importance, je le charge de ce mot, pour ne laisser pas ignorer V.A. que cest' apresdisnée M. le prince Radzivil⁷⁾, secondé par le S.^r de Remont⁸⁾, a faict appeller M. le prince de Talmont⁹⁾, assisté de M. de Haucourt¹⁰⁾, et s'estans battus à cheval, sans pistolets, à coups d'espée, mondit S.^r prince de Talmont y a receu de l'autre un grand et dangereux coup d'estoc au bras droict, qui couppant veines et arteres,

7) T.a.p., blz. 411.

8) T.a.p., blz. 285.

9) T.a.p., blz. 487.

10) Waarschijnlijk Charles d'Aumale, S.^r de Haucourt, die in 1648 kolonel werd.

[p. 320]

luy a faict tomber aussitost l'espée, et en eust peu verser l'ame aveq tant de sang qu'il a versé, sans la rencontre fortuïte qu'il fit d'un des chirurgiens de l'armée, comme il fut porté vers Rhijnberck, dans une charette à fourage. On dit que la querelle partiroit de certains vieux rapports de la Haye, de plus de six moiz passez. - Nostre cavallerie s'en retourne demain au fourrage, assistée de quelqu' infanterie, à cause du voisinage de beaucoup de gens qui guettent ces occasions. M. le comte de Stijrum¹⁾ y va en personne, et S.A. veult, que Monseig.^r le Prince Guillaume y aille se proumener, pour un peu apprendre la conduicte de cest' affaire là. - L'ambassadeur Roo²⁾ approche de Coloigne, au retour de son ambassade inutile de Vienne, et pourrons bientost le veoir icy. - M. Jermin m'escrit en deux lettres de suitte de par la Reine, de tenir la main au congé d'encor un jeusne capitaine Jarret³⁾ et cinq ou six que lieutenants qu'enseignes. Aujourdhuy S.M. en a elle mesme faict instance envers S. Altesse, qui ne s'en rejouït que mediocrement. Je ne sçay quand et comment ces choses, et autres, prendront fin. J'avoy bien preveu la peine que Volbergen mande trouver en la negociation des 300 m. livres sans hypotheque speciale⁴⁾. Demain S.A. y veult donner ordre; puisqu'on en est jusqu'à là, il fault achever. Au camp à Bodberg, le 27^e Juïllet 1642.

1) Zie II, blz. 521.

2) Zie blz. 297.

3) Zie II, blz. 211.

4) Zie No. 3075.