Briefwisseling. Deel 3: 1640-1644

2523. J. Smithius²⁾. (L.B.)

Non ita mihi Suffenus³⁾ sum, vir spectatissime, ut non sciam, quam sit periculosae plenum opus aleae⁴⁾, hominem ingenio tardum, doctrinae rudem, litterariorum adminiculorum inopem, antiquae historiae originumque patriarum

2) Zie No. 2508.

3) Suffenus was een onbeteekenend Latijnsch dichter, die leefde in den tijd van Catullus.

4) Hor., Od., II, 1, vs. 6.

[p. 102]

tentare abyssum. Jeci tamen istam te incentore aleam, quam ne plane dubiam sequeremur, conatuum meorum tibi gustum destinabam, ut judicares, operaene pretium facturus essem, si coepto porro instarem. Miseram apographum duorum capitum emaculatum, dum apud Flandros agis, ad veterem collegam meum Danielem Gysium¹⁾, Lugdunensis ecclesiae pastorem, tibi Hagam reverso mittendum. Interea hic ad occursum in itinere atque occupatissimo obtrusi, quas vidisti schedas. Et jam me pigebat pudebatque istius confidentiae, verebarque, ne liturae et παραράματα tibi stomachum moverent, cum tuae litterae mihi ut Minervae calculus animum reddiderunt, iisdem tu alter Mουσηγέτης, ceu Mercuriali virga catenaque sic torpentem excitasti atque traxisti, ut Diphilo tardior²⁾ nunc Daedali mihi remigium optem, ne lentum magno in opere mors non lenta opprimat, quando Hugenio meo et labor placet et causa. Et vide sodes reapse fructum litterarum; novum continuo descripsi caput, quod in adversariis aliquamdiu jacuit, neque tamen ultimâ linea expolitum est, nec satis quidem per intervalla ad incudem rediit. Sperem, me reliqua quoque, quae supersunt, quatuor a moribus et dignitate Batavorum et a nomine sententiisque super origine oppidi, totidem forte hebdomadibus, nisi alia impediant, dare posse, sed rudiuscule delineata, per intervalla elimanda, atque ita commentariolo de Batavorum oppido finem imponere, si tamen eodem, quo hoc capite ago, per te compendio agere liceat. Non unius oppidi, sed totius gentis causa, mea est. Cui me commentariolo oppidi concluderem? Non possum annalem oppido clavum figere, ut non simul gentis, cuius oppidum fuit, annos colligam. Monumenta antiquaria certi temporis continua annorum serie ordinanda veniunt. Si quae de Batavorum gente et finibus generatim commentariolo praefigere parabam, istis praefigam, ipsa monumenta me ad ea tempora ducent, quibus historia barbarie obscurata missionem facile dabit. Quae incerti sunt temporis, illa non genti et oppido tantum, sed universae antiquitati illustrandae faciunt; ea mole sua commentarium gentis, magisque commentariolum de oppido onerarent. Licetus³⁾ in libris de lucernis veterum reconditis Pauli Petavii⁴⁾ meminit, qui non ita pridem antiquae supellectilis portiunculam et nummorum veterum gnorisma evulgavit. In illos Petavii libros nunc inquiro; visam quid ille praestiterit, an ad eundem modum Batavica haec seorsim dare ex nostro usu sit. Rectius forte Bataviae nomen omnibus inscribam. Sed ista missa facio. Res fere ubique eadem, quae ubi confecta fuerit facile titulum inveniet. Plurima sunt, de quibus aliquando, quod spero στόμα πρὸς στόμα. Dabis enim, ut te consultore procedat, quod te praecipue suasore coepit opus. Non ero tamen novorum capitum missione in posterum plus satis districto importunus ..... Noviomagi, V Cal. VIIbris (= 26 Aug.) Jul.⁵⁾ A. CIƆIƆCXL.

1) Daniel Gys werd 20 Oct. 1615 op 25-jarigen leeftijd te Leiden als theoloog ingeschreven. Hij werd in 1629 predikant te Koudekerk en in 1638 te Leiden, waar hij in 1640 stierf.

2) Cicero, ad Quintum fratrem, III, 1, 1.

3) Fortunio Liceti (1577-1657) was professor in de wijsbegeerte te Pisa, Padua en Bologna, daarna weer te Padua professor in de medicijnen. Zijn werk De Lucernis antiquorum reconditis libri VI, zag in 1602 te Genua het licht en werd meermalen herdrukt.

4) Paul Petau (1568-1614), raadsheer in het Parlement te Parijs, heeft verschillende werken over oudheidkunde geschreven, o.a. Antiquariae suppellectilis portiuncula, 1610.

5) Dus 5 Sept. n. st.

[p. 103]

D. Guysius, cuius modo memini, alter qui me identidem ad pertexendam antiquam telam hortabatur, nobis ante hebdomadas quatuor ereptus est. Multa illa antiquae supellectilis hic congessit, quae sui ex fratre nepoti legavit. Eorum ordinandorum causa post septimanas aliquot Lugdunum cogito. Quod, si Deus volet, et haeredis adolescentis et huius nostri operis bono fiet. - Litterae tuae, cum quibus tria quae miseram scripti mei capita ad me redierunt, superiore Luna provecta jam tunc die traditae fuerunt. Vale iterum.