Briefwisseling. Deel 3: 1640-1644

2370. J.A. Bannius¹⁾. (L.B.)

Tertio nonas Majas, serâ vesperâ, a Campenio²⁾ nostro accepi schedam tuam cum versibus Gallicis a M. Mersenno transmissis, quibus ex tempore musicos modulos indidi, et die sequenti nitide descriptos ad Campenium remisi, tibi destinandos, ut ad Mersennum redeant. Nunc vero cum per Postium³⁾ intelligam, eosdem adhuc a te expectari, iterum describendos curavi, additis moduli ejusdem τοῖς μινυρισμοῖς. Videant Galli, quid judicent de meo, quidque remittant de suo. Nescis quam avide utrumque expectem. Et quoniam apud te libere loqui mihi permissum esse non ambigo, dicere audeo, moduli mei rationem, tam quo ad circulum harmonicum, quam quo ad intervalla, numeros, accentusque, absolutam esse, talibusque verbis convenientissimam autumo, quod praecipue in verbis: insensible, funeste plaisir, contenter, cruelle, malheureux⁴⁾ etc. poterit observari. Nec enim aliter quispiam istos versus aut rectius legere, aut pronunciare poterit, quam modulus indicat, qui insuper verborum affectibus plenissimus est. Ad jussionem tuam paratus sum singula demonstrare. Porro Compendium Musicae⁵⁾, quod ex scriptis meis concinnandum tibi promisi, brevi absolvam, et primâ occasione transmittam. Tu vero, vir nobilissime Musisque sacratissime, non patere, Bannio tuo a Gallis imponi, ut vel Mersennus judicium suum, suorumve potius, simulet, suorumve conceptus musicos in eadem materia subducat. Vale. Datae Harlemi, XIV Kal. Junias (= 19 Mei) CIƆ.IƆC.XL.

1) Gedeeltelijk uitgegeven door Jonckbloet en Land, t.a.p., blz. LXIX.

2) Van Campen, de bouwmeester.

3) Pieter Post; zie II, blz. 437.

4) Zie het Fransche vers, waarin die woorden voorkomen en dat door Bannius op muziek werd gezet, bij Jonckbloet et Land, t.a.p., blz. XLI.

5) Misschien bedoelde hij daarmede het Zangh-bericht, dat echter eerst op 11 Nov. 1642 aan Huygens werd toegezonden. Het is uitgegeven door Van Vloten, Hooft's Brieven, IV, blz. 266-273, maar zonder de voorbeelden.