Briefwisseling. Deel 2: 1634-1639

2284. C. Barlaeus³⁾. (L.B.)

Pugnavimus, vicimus, triumphavimus, clarissime Zulecheme; arena Martis arenae Britannicae fuere; causa libertas; partes Hispanus et federatus Belga; modus certamen navale, commissis inter se classibus et veliferis arcibus; vindex fautorque noster Deus. Succubuere Belgarum signis Dì hominesque, vel sacris vel profanis appellationibus clari. Teresas, Polonias, Fortunas, Famas, Orpheos, Petros, Jacobos, Michaeles, Alexandros, etc. mersimus, exussimus, cepimus. De Sanctis victoriam retulere gentium dij, Neptunus, Aeolus, Vesta, Vulcanus; ut de Christianismo - da veniam verbo - triumphasse videatur Gentilismus. Totius victoriae momentum in duobus positum est. Primum illud est, quod paucis navibus potentissimam et numerosissimam classem invaserit imperator noster, et in casses truserit. Alterum illud, quod nullo navali facinore maior dignitas ac reverentia Reipublicae nostrae accesserit, quam hoc ipso. Dum alij civium domi gaudent, alij minus ϕιλοπάτριδες dolent, alij festis ignibus laetitiam testantur, ego ad exemplum celebris cynici, triumphantibus ob similem victoriam Athenis, literarum mearum vascula, quae quotidie pauper inhabito, per ora civium non indoctorum pergo volvere et rotare, ne publica gaudia fastidire videar, et tacita morositate damnare aut vilipendere Superûm favorem. Elocutus sum ea, quae scio, et quae eloqui posse volupe admodum mihi fuit. Sinistra quippe silemus libentius, quam fatemur, circa prospera facundi sumus, et ab argumento eloquentiam mutuamur. Scripsi orationem⁴⁾, quam habui publice, praesente Venetorum legato⁵⁾, qui tum temporis nuptijs intererat filiae e Papali bracca genitae⁶⁾. Cumque viderem, omnes gratulantium voces in Trompium dirigi, Auriacum meum non in laudis partem pertraxisse putavi satis, sed ut victoriae autorem praecipuum, imperio maritimo, ac autoritate maximum praedicavi et poemate, uti meus mos est, celebravi⁷⁾. Tu, cum non nisi literatis doctorum asellis et mullis elegantiarum vesci ames, nec nisi conditos aromatibus, et sesamo aspersos carminum globulos emunctis naribus adhibeas, nihil quoque contingere cures, nisi planum, floridum et vernans; nihil audire, nisi harmonicum et concentibus conspirans; veniam peto obsecroque, ut orationem tumultuarie scriptam, et poëma inter deliberationes eroticas natum, mitiore censura distringas. Obstrepuit saepe poëtico furori Cyprius, et quia bonam mentem non eiuravi, volui et amator esse et vates, Cirrham et Paphon, Parnassum ac Cythaeram concutere. Accipe, amicorum illustre sidus, exemplar unum tibi; altero se oblectet in patrias artes erudiendus Constantinus junior. At illud auratis lineolis fulgens ce'sissimo Auriaco pro me offer. Si modesta praedicatione illud Patriae

3) Uitgegeven in Barlaei Epistolae, blz. 780.

4) Nl. Oratio panegyrica, de victa Hispanorum regis classe ..... Zij werd den 13den Nov. gehouden, bij de Gebr. Blaeu gedrukt en in het Hollandsch vertaald.

5) Nl. Giustiniano; zie blz. 325.

6) Bedoeld is Papenbroek.

7) Nl. Auriacus triumphans, sive in victam ..... Hispaniarum Regis in freto Britannico classem, poemation (vgl. Poem., I, blz. 307.)

[p. 518]

Patri probaveris, reliquis hoc ipsum tuis erga me meritis attexam. Aderit propediem Tessela, quam si in ordinem equestrem adoptare velis ipse, feram, licet impatientius¹⁾; rivalem nullum alium patiar praeter te. Si mutus mutae ἐϕιππάζεσϑαι desideras, non equidem invideo. Epigrammati tuo responderem, sed vereor, ne delabar in abyssum; difficile est modum servare in pruriente argumento. Fallax procus nolo vocari, sed constantissimus domesticae felicitatis curator. Verum περὶ τῆς ἱππιϰῆς coram latius ..... Raptim ..... Decemb.²⁾ A.^o CIƆIƆCXXXIX.

1) Barlaeus had een versje geschreven In Tessetem equitantem (vgl. Poem., II, blz. 433) en Huygens schreef den 19den Oct. het vers In Barlaei epigramma de Tessela equitante. Ad ipsam (vgl. Gedichten, III, blz. 128).

2) De datum ontbreekt.