Briefwisseling. Deel 2: 1634-1639

2021. J. van Beverwijck⁷⁾. (L.B.)

Qui me in amicitiam tuam iampridem admittere, meaeque nuper de Calculo opellae calculos Pario marmore candidiores ex ipso Parnasso adijcere dignatus es⁸⁾, nullus dubitare cogor, quin, quae tua est in immerentem comitas, et meum dolorem doliturus sis, quem nuper coepi ex praematura filij morte. Optimae indolis et spei puer, iam πατροδίδαϰτος, cum literarum studijs primo

7) Zie blz. 176.

8) Het werkje De calculo Renum et Vesicae Liber singularis had in 1638 te Leiden het licht gezien. Huygens had er op 30 Dec. 1637 een lofdicht op geschreven (vgl. Gedichten, III, blz. 43).

[p. 426]

vere uberius esset admovendus, vota patris frustratus ad plures abijt¹⁾. Non ignara mali, inquit illa, miseris succurrere disco²⁾. Tibi idem aliquando fatum contigisse, ex Heinsij nostri τοῦ πάνυ versibus³⁾ cognovi. Parentavit et meo, ut vidisti, eleganter insignis poëta Boyus⁴⁾. Qui et eodem metro argumenta - brevi ad te mittenda - singulis capitibus praefixit libri mei de Excellentia non iam sequioris, quamvis foeminei, sexus⁵⁾, quem auspice Schurmana conscripsi, et brevi in lucem edere decrevi. Ut et tomum alterum de Vitae termino, cui nobilissima virginum fastigium imponit διοπετές⁶⁾. Mox ad medica iterum - unde me divinis literis revocarat hoc sexus et seculi sui miraculum - quae non pauca affecta habeo, accingi animus est, nisi forte alio trahant distrahantque amici. Praeter enim libellum de calculo, Italis, Gallis, Anglis, et Belgis non omnino - ut auctior ostendet editio - improbatum, reliqua non ex arbitrio meo, sed impulsu aliorum scripsi. Quare ut laudem non sum meritus, ita culpa caruisse arbitror, veniam saltem ab aequo lectore impetraturum spero. Quod si tu mihi hic propitius sis Jupiter, facile minutos deos flocci fecerim. Sed manum de tabula. Sentio enim, quam nimis agam tecum familiariter. Quin tamen te gravissimarum rerum saturum, etiam ad has nugas demissurus sis, sperare me facit incredibilis naturae tuae benignitas, qua magnitudinis tuae oblitus me meaque complecti soleas...... Dordrechti, XV Jan. CIƆIƆCXXXIX.

Se tibi quam officiosissime commendat noster Boyus.

1) Beverwijck was in 1626 in tweede huwelijk getrouwd met Elisabeth de Backere, die hem acht kinderen schonk, van welke hem slechts drie overleefd hebben. Zijn oudste zoontje, Bartholomeus, geb. in Aug. 1630, stierf in 1638.

2) Verg., Aen. I, vs. 630. Het zijn woorden van Dido.

3) De schrijver vergiste zich hier.

4) Zie blz. 424.

5) Zie No. 2019.

6) Zie blz. 177. - In 1639 zag het derde deel het licht, waarin o.a. een brief van Anna Maria van Schuerman was opgenomen.