Briefwisseling. Deel 2: 1634-1639

1774. E. Puteanus⁷⁾. (L.B.)

Ecce a Puteano tandem litterae; a tuo, et nonne gratae? Non me sinit profecto incredidibilis humanitas tua dubitare; faciet prudentia, ne peccasse silentio videar. Miseram vero nuper De Bissexto librum⁸⁾ et Coronam radiatam, sive simplici titulo, Dierum apud Indos Diorthosin⁹⁾. Alia sciebam pervenisse, sed ab aliis. In Epistolarum editione pergo¹⁰⁾, ad tuum quoque venturus nomen¹¹⁾, quo, velut unione, Mercurius meus splendebit. Notaveris, ordinem

7) Uitgegeven in ErycI Pvteani ..... ad C. Hvgenivm et D. Heinsivm ..... Epistolae, ....., 1647, blz. 27.

8) Zie blz. 302.

9) De titel is: Corona radiata, sive Dierum apud Indos Diorthosis, Fastis exaequandis necessaria, Lovanii, 1637.

10) Puteanus had in 1637 twee Centuriae epistolarum uitgegeven.

11) Daartoe is hij niet gekomen; in 1647 gaf Boxhorn de brieven van Puteanus aan Huygens uit.

[p. 338]

hic temporis servari, [a] Plinio aliquando repudiatum¹⁾. Pluscula parata sunt, sed difficultas cum typographis, ne alios accusem. De operibus simul omnibus etiam cogitabam; praemittam tamen, si licebit, Nundinas Romanas²⁾, et quae Circulum spectant Urbinianum³⁾. Michalori petulantia ad novas me Vindicias coëgit⁴⁾. Ludere volui, quia nihil quod ad rem faceret ille scripsit, quae pleraque apocrisi meâ jam erant confutata. Interdum, ut me oblectem, Otia tua inspicio. Hae deliciae meae sunt. Interdum et amicis ostendo, ne solus suavissimam divini ingenii tui felicitatem venerer. Vale, et me litterarum affatu bea. Lovanii, in Arce, XV Kal. Ianuarias (= 18 Dec.) M.IƆC.XXXVII.

1) Plinius Secundus in zijne Epistolae.

2) Zie I, blz. 311.

3) T.a.p., blz. 360.

4) T.a.p., blz. 401.