Briefwisseling. Deel 2: 1634-1639

1760. M. Zuerius Boxhorn³⁾.

Et ego quoque inter tot omnium applausus ac gratulationes tacere non debebam. Quippe in Brabantia natus, transactis pueritiae annis eâ in urbe, quam tam feliciter expugnatam publico gratulamur. Mitto Panegyricae orationis meae⁴⁾ exemplaria duo, alterum celsissimo Principi offerendum, si ita tibi videatur, alterum vero tibi. Caeterum totus jam sum in consignanda Bredanae obsidionis historia⁵⁾. Ad quam accurate persequendam multa requiri, satis intelligo. Omnis autem fiducia mihi reposita est in singulari tua humanitate, a quo facile impetraturum me confido, quodcunque ad maximi Principis adeoque totius hujus Reipublicae decus ac aeternitatem facturum existimabis. Scribo haec raptim et in Bredani itineris procinctu. Proximis diebus, volente Deo, reversus, ipse ad te excurram. Vale ..... Raptim, Lugd. Bat., 1637, Novemb. X.

3) Het Hs. schijnt verloren, maar de brief is uitgegeven in V. Cl. Marci Zuerii Boxhornii Epistolae et Poemata, blz. 74.

4) Nl. Panegyricus ..... Frederico Henrico, post Bredam oppugnatam dictus, Lugd. Bat., 1637.

5) Boxhorn's Historia obsidionis Bredanae et rerum anno 1637 in Belgio aut alibi gestarum, zag in 1640 te Leiden het licht.