Briefwisseling. Deel 2: 1634-1639

1098. C. Barlaeus⁵⁾. (L.B.)

Vix literas tradideram nautae, cum domum reversus incidi in literas nobilissimi Mylij, quibus scribit vacare vicariatum, et se super hac re locutum cum Principe. Videtur Princeps non totum vicariatum in me collaturus, sed partem. Tu iudica, an non pro modulo meo de Illustrissimo Principe bene meritus sim et indies bene mereri studeam. Si integrum impetrare possem, beaverit me Auriacus, et filio meo Caspari Barlaeo⁶⁾, annorum XV, praestantis ingenij puero, stimulos addiderit ad doctrinae virtutisque laudem. Tua hic multum poterit intercessio. Mitiorem forte reddes et liberaliorem in me Auriacum. Sin minus, contentus ero ea parte, quam indulgere mihi cupiet Ill. Princeps. Vale praestantissime, et jam fac, ut impetrem Aliquid, postquam de nihilo philosophati fuimus abunde. Raptim, Mart. XXIV, CIƆIƆCXXXV.

5) Uitgegeven door J.A. Worp in Oud-Holland, V, 1887, blz. 122.

6) Caspar Barlaeus (1611-1673), de oudste zoon van den professor, is later baljuw geweest van Wassenaar en Katwijk en van 1664 tot 1672 consul te Lissabon.