Briefwisseling. Deel 1: 1608-1634

899. C. Barlaeus³⁾. (L.B.)

Rarius soleo te interpellare amicorum causa. At iam cogor hoc ex officio facere. Juvenis hic aeri insculpsit effigiem Ill. Principis⁴⁾, quam recte ac artificiose tu me melius judicabis, qui in omni scibili - ita Lovanienses loquuntur - es versatus. Ego, ut vendibilis magis esset merx, disticha quaedam autoris rogatu subscripsi, an digna Principe, nescio. Hoc jam agitur, uti tua intercessione efficias, quo praemiolo aliquo, aut honorario artificis laborem soletur humanissimus Princeps. Scis, quae istiusmodi meritis debeantur praemia. Verum mea causa velim aliquid adijci praeter morem et aulae vestrae consuetudinem. Ego juvenis huius parentibus Leidae per biennium cohabitavi. Hinc imposita mihi necessitas et carmine cohonestandi hoc opus, tibique et autorem et opus de meliore nota commendandi. Vale, vir praestantissime, cum uxore et IIIIviris tuis. Amstelod., XVIII April. 1634.

Adscripsi epigramma in caedem Ducis Friedlandiae⁵⁾.

3) Uitgegeven door Dr. J. van Vloten, Hooft's Brieven, IV, blz. 293.

4) De prent is van J.G. van Vliet. Er is slechts één exemplaar van bekend, nl. dat in de Louvre (mededeeling van wijlen J.Ph. van der Kellen.)

5) Vgl. Poem., II, blz. 454.