Briefwisseling. Deel 1: 1608-1634

[p. 428]

838. Aan P. Cunaeus¹⁾. (L.B.)*

Nobilem et ingenuum adolescentem Fredericum Dorpium²⁾ curae et humanitati tuae ut commendem, rogant eius me consanguinei omnes et amici, quorum non uni affinitate iunctus sum, et mater ipsa, rarissimi exempli foemina, quae si cominus et suis verbis hanc a te gratiam flagitet, dicas, non muliebri facundiâ victus, nihil negari posse sic petenti. Filio quantum de genij istius vivacitate infuerit, non satis perspectum habeo; postquam enim pubertate ac domo maternâ excessit, raro ad me redijt. Fertur tamen honestissimae indolis esse, laboris assidui et ingenij minime indocilis. Iudicio quid praestet, abunde probat, qui consuetudinem tuam prae caeteris ambire coepit, et in asperrimo vitae bivio duci velle tam peritâ manu. Hanc laboranti, quaeso, et ad opem tuam, ut quidem prae se fert, avide anhelanti, commoda. Patior, quoties adeundi te facultatem nactus fuerit, mihi beneficium imputari. Quippe non recuso quibuscumque tibi vinculis obstringi, vir maxime, cuius eruditionem summam, et clarissimas virtutes caeteras depraedicare inter amicos numquam desino, et hac nonnullis ansam fortasse praebui, quâ nunc comprehensus cogor primum hoc te per epistolam alloqui simul et molestus esse. Ignosce tu coacto, satis scio, et eâdem a te fidubeccia ut me ames indignus peto. Vale. Walij in castris, XII^o Cal. Nov. (= 21 Oct.) CIƆIƆCXXXXIII.

1) De minuut is in K.A. - Zie over Cunaeus, blz. 177.

2) Frederik van Dorp (1612-1679), heer van Maesdam, was de jongste zoon van Frederik van Dorp en Sara Adriana van Trello. Hij werd in 1631 student te Leiden. In 1649 werd hij raadsheer in het Hof van Holland, in 1656 als gezant naar Zweden gezonden, later opgenomen in de ridderschap van Holland en in 1670 werd hij baljuw en dijkgraaf van Rhijnland. Hij is gehuwd geweest met Constantia van Vosbergen († 1647) en daarna met Aegidia van Teylingen.