Briefwisseling. Deel 1: 1608-1634

661. Aan D. Heinsius. (K.A.)

Tandem in manu mea est, ne te morer, et solvo fidem protinus ac per negotia licet; distractissimus enim meo more, necesse fuit, si probe tibi consul-

[p. 343]

tum vellem, ut exscribendis, quas vides, notis nonnihil temporis impenderem. Sane, quales inter legendum Princeps stilo plumbeo margini illeverat, fieri vix poterat, ut ab alio legerentur, quam qui manum illam pernovisset multo usu. Addidit suas passim animadversiones, rogatu meo, Theodorus Nielsius¹⁾, qui nonnullis praefectus, plurimis interfuit, omnia pene oculatus arbiter mira sedulitate obivit. Ad calcem utili consilio monet, ut obsidionis tabulam, quam ipse edidit, lustrare velis, non pauca ibi inventurus, quae ad historiae filum faciant et lucem nocti allatura sint, quâ te passim involvisse ignaviam aliorum aut inscitiam indigne fero. Principi μάλα ἐλευϑεριάζοντι et παρρησίᾳ nobili γενναίως hercule, quasi in re sua versanti, facile ignosces. Procul ab humanitate summi imperatorum est ferox supercilij rigor. Sed haec nimirum sibi privatim annotaverat, non alijs, non tibi; cui factam eorum copiam quominus rescisceret, ea vero caussarum proxima fuit, cur in exemplar meum transferenda ducerem²⁾. Tu, vir summe, vale et eo, quo te par est, animo admitte, quam tibi opellam lubentissime subivi. Hag. Com., 10 Cal. Mart. (= 20 Febr.) CIƆIƆCXXXII.

1) Theodoor Niels was ingenieur van Z.E. en heeft in die hoedanigheid diensten bewezen bij het beleg van Maastricht. Hij schijnt in 1633 gestorven te zijn.

2) De Prins had dus in een exemplaar van Rivet's vertaling der Historia van Heinsius (zie blz. 322, vlgg.) met potlood verbeteringen aangebracht; Huygens had die verbeteringen, te gelijk met de aanmerkingen van Niels, in een ander exemplaar overgeschreven en zond dit nu aan Heinsius.