Briefwisseling. Deel 1: 1608-1634

462. C. Barlaeus⁴⁾. (L.A.)

Satyram hanc notis illustratam ad me misit Illustrissimus Molinus⁵⁾. Eam alio nomine appellatam vidisti alias. Si illas legere vacabit, miraberis istorum hominum audaciam. Quaecunque ego ad Molinum familiarius scripsi, hic excusa video. Videbis etiam te ubique paginam facere,

4) Uitgegeven door Dr. J. van Vloten in Hooft's Brieven, IV blz. 279.

5) Zie blz. 242.

[p. 266]

etiam nos alicubi commissos. Eam tamen scriptor adhibuit prudentiam, ut, si quando invenit quod in nobis improbaret, nomina suppresserit. Non debebant nisi nobis consultis illa luci donasse. Saepe enim oscitantius et absque cura a non plane indoctis scribuntur, quae edi famae ipsorum et existimationis non parum interest. Posthac ero cautior. Ubi legeris, redeat ad me satyra haec. Addo Venerem ἀναδυομένην, sive epithalamium, Realio nostro scriptum¹⁾. Cogor invitus erotica tractare, qui pharetratum illum puerum odi quam maxime. Si legere tibi animus non est, serijs iam occupato, militibus da, infarciendis tubis maioribus inserviet. Vale, vir amplissime et charissime. 13 Sextil. (Aug.) CIƆIƆCXXIX.

Qui has tibi tradit, rector est scholae trivialis, Theodorus Screvelius²⁾, summa mihi junctus necessitudine, ob virtutum praestantissimarum syllogen.

1) Vgl. Poem., I, blz. 434. - Reael trouwde den 7^den Aug. met Susanna de Moor.

2) Th. Screvelius (1572-1649) was rector in Haarlem, werd daar in 1619 wegens zijne Remonstantsche gevoelens afgezet, maar later tot rector te Leiden benoemd. Hij heeft wetenschappelijke werken en Latijnsche gedichten geschreven.