Briefwisseling. Deel 1: 1608-1634

375. Aan C. Barlaeus²⁾. (K.B.)*

Non est aliud beneficij genus, Barlaee clarissime, quo me devincias magis, quam si doctorum virorum amicitias lucrifeceris mihi. De Vossio rem fecisti gratissimam. Poteras gratiorem fecisse, si, uti ab muneribus consuetudo ista non inchoaretur, tempestive curasses. Quas illi nunc gratias remitto, ita subdivisas oportuit, ut altera ex parte liberalitati darentur, soli in solidum benevolentiae cessurae rectius. Tute, qui hunc impetum frangi passus es, repara sodes et compensa. Sentiatque Vossius, ubi te rogatu meo ijs verborum officijs intercedentem viderit, quae a me largius expectaverit, potius et fandi vim homini illiterato defuisse, quam aut beneficij conscientiam, aut grati animi impulsum .... In castris ad Grollam, prid. Id. 7b (= 12 Sept.) 1627.

2) De minuut is in K.A.